Read Sangtam Naga NEHEMIA 11 Bible Online

NEHEMIA 11 - Sangtam Naga bible

NEHEMIA 11

¹Langnürü atümung Jerusalem la licho ko müyurüti yola kukhi dhüre la kukhi khüdu Amüsa Jerusalem yangdi la linung throchehnung zii thsadhengcho ko anyingcho düku tsü yangdi papa la lisohcho.

²Sürünü Jerusalem la linung abürü jangjang throchehcho arüh tsü müyurünü secho.

³Apa yangditi la Israelrü, bebürü, Levirü, amübükuh thsarü ko Solomon dikehrü chahnü trahchochoti tsü arühbürü yangdi la arühbürü kuthsi la licho. Hiri hi Juda lih lanü langnürüti Jerusalem la lirüti:

⁴Zekaria shümtsurü Uzia tsurü Athaia. Abi jümürüti hiri mii zehcho: Amaria, Shefatia ko Juda tsurü Perez chahnü trahchocho Mahalalel.

⁵Koloze shümtsurü Baruk tsurü Maseia. Abi jümürüti hiri mii zehcho: Hazaia, Adaia, Joiarib, ko Juda tsurü Shela chahnü trahchocho Zekaria.

⁶Perez trah lanü athrungrü nyüh 468 Jerusalem la licho.

⁷Joed Shümtsurü Meshulam tsurü Salu. Abi Jümürüti hiri mii zehcho: Pedaia, Kolaia, Maseia, Ithiel ko Jeshaia.

⁸Salu tsutpurü tsatsa Gabai ko Salai. Atümungnü Benjaminrü Jerusalem la nyüh 928 licho.

⁹Zikri tsurü Joel tsü arüh yola langnürü aziba ko Hasenua tsurü Juda tsü yangdi la tsü aziba chitung thsacho.

¹⁰Joiarib tsurü Jedaia ko Jakin.

¹¹Meshulam shümtsurü Hilkia tsurü Seraia. Abi jümürü hiri mii Zehcho: Zadok, Meraiot ko Amungthri Bebüba Ahitub.

¹²Hiba hung lanü atümungnü nyüh 822 nü Amübükuh la dikehcho. Pelalia shümtsurü Jeroham tsurü Adaia. Abi jümürü hiri mii zehcho: Amzi, Zekaria, Pashur, ko Malkija,

¹³Hiba hung lanü atümungnü nyüh 242 tsutpu la athah thsacho. Azai shümtsurü Azarel tsurü Amashsai. Abi jümürü hiri mii zehcho: Meshilimot ko Imer.

¹⁴Hiba hung lanü athrungrü nyüh 128 khiyoh la zehcho. Arüh yola langnüba tsü Hagedolim tsurü Zabdiel licho.

¹⁵Azrikam shümtsurü Hashub tsurü Shemaia. Abi jümürü hiri mii zehcho: Hashabia ko Buni.

¹⁶Shabethai ko Jozabad, anyüh tsü Levirü ko Amübükuh mihlang nguchi dhengyehrü licho.

¹⁷Asap trah lanü Zabdi shümtsurü Mika tsurü Matania amübükuh la dangkhidangnang anengse jüba khithsarü mülung tsü abinü nücho. Bakbukia tsü Matania arükuba thsacho. Jeduthun trah lanü Galal shümtsurü Shamua tsurü Abda.

¹⁸Amüsa yangdi Jerusalem la lirü Levirü atümungnü nyüh 284 licho.

¹⁹Akub, Talmon ko arüh tsutpurü atümungnü 172.

²⁰Anyingcho Israelrü, bebürü ko Levirü tsü Juda yangditi la arühbürü kuthsi la licho.

²¹Amübükuh thsarüti tsü Ofel khang chah licho ko Zeha e Gishpa nyühnü dhengyeh nguchicho.

²²Jerusalem la Levirü yola anüchiba tsü Hashabia shümtsurü Bani tsurü Uzi thsacho. Abi jümürü hiri mii zehcho: Asaf hunglanü Matania ko Mika, arüh amübükuh la khi thsaba xükümcho.

²³Nyümong müthe amübükuh la khi thsaba tsü ahung-ahung mülita nünung Yangthsaba chahnü yuzeng licho.

²⁴Juda tsurü Zera trah lanü Meshezabel tsurü Petahia tsü müyurü atümung khiyu nengdang yangthsaba langbürü thsacho.

²⁵Nyitsarü adrong arüh luh amünyeh yangditi la licho. Judarülü Kiriat Arba, Dibon ko Jekabzel ko hiri yangditi shündhün yangdongti la licho.

²⁶Arüh yangdi hiri: Jeshua, Molada, Bethpelet,

²⁷Hazarshual, Bersheba ko hütsü mükang yangdongti la licho.

²⁸Arüh Ziklag yangdi la, Mekona ko yangdongti la,

²⁹Enrimmon, Zora, Jarmut,

³⁰Zanoa, Adulam, ko hiri mükang yangdongti la licho. Arüh Lakish ko hütsü shündhün luh la ko Azeka ko hütsü yangdongti la licho. Judarü tsü kihku lahpi Bersheba ko kihjing lahpi Hinnom Ngah kahla licho.

³¹Benjamin hung tsü Geba, Mikmash, Ai, Bethel ko hütsü shündhün yangdongti,

³²ko Anathot, Nob, Anania,

³³Hazor, Rama, Gitaim,

³⁴Hadid, Zeboim, Nebalat,

³⁵Lod, Ono ko sihthrirü Ngah la licho.

³⁶Juda lurüh la lirü Levirü mülung khürü Benjaminrü yola lisohcho.