Read Sangtam Naga NEHEMIA 12 Bible Online

NEHEMIA 12 - Sangtam Naga bible

NEHEMIA 12

¹Hiri hi Shealtil tsurü Zerubabel ko Amungthriba Bebürü Joshua nyüh yola yangtsi langnü thalirü Bebürü ko Levirü chung:

²Seraia, Jeremia, Ezra, Amaria, Maluk, Hatush, Shekania, Rehum, Meremot, Iddo, Ginethoi, Abija, Mijamin, Madia, Bilga, Shemaia, Joiarib, Jedaia, Salu, Amok, Hikia ko Jedaia Joshua chichah bebürü yola hirihi langnürü thsacho.

⁸Anengse jüba mübü khi thsanung hirinü xükümcho: Jeshua, Binui, Kadmiel, Sherebia, Juda ko Mathania.

⁹Alalingba thsarü tsü hiri licho: Bakbukia, Unno ko arüh shangrü Levirü.

¹⁰Joshua tsü Joiakim au; Joiakim tsü Eliashib au, Eliashib tsü Joiada au,

¹¹Joiada tsü Jonathan au; ko Jonathan tsü Jadua au.

¹²Joiakim Amungthriba Bebüba thsade, bebü hung la athahti tsü hiri licho: [Bebürü] — [Ahung] Meraia — Seraia Hanania — Jeremia Meshulam — Ezra Jehohanan — Amaria Jonathan — Maluki Josef — Shebania Adna — Harim Helkai — Meraiot Zekaria — Iddo Meshulam — Ginethon Zikri — Abija (Aneng müzeh) — Miniamin Piltai — Moadia Shamua — Bilga Jehonathan — Shemaia Matenai — Joiarib Uzi — Jedaia Kallai — Salai Eber — Amok Hashabia — Hilkia Nethanel — Jedaia

²²Hiri Amungthriba Bebürüti akang liya shikhe la Levi tsutpu ko Bebü tsutpu la athahti thrah yohpücho: Eliashib, Joiada, Jonathan ko Jadua. Hiba thrahyohba hi Persia la Darius yangthsade rungnümcho.

²³Ta Levi tsutpu athahtilü Eliashib shümtsurü Jonathan chichah du thrahyohcho.

²⁴Hashabia, Sherebia, Jeshua, Binui ko Kadmiel hirinü thongu Levirü tsü amülung-mülung changnahcho. Yangthsaba David, Tsingrangba nyitsarünü thülacho kyo khüdupinü mülung anyünü lalingta Tsingrangba nengsecho.

²⁵Hiri amübükuh nyahrünü amübükuh lang züduba tbükhüm la zahkeh kuh nyahcho: Matania, Bakbukia, Obadia, Meshulam, Talmon ko Akub.

²⁶Hiri nyitsarüti hi Jehozadak shümtsurü, Joshua tsurü Joiakim, governor Nehemia ko bebüba ko yuzeng la axangcheh adorü, Ezra chichah licho.

²⁷Khode Jerusalem yangdi tbü tsü müsachehcho, müsachehba la anengsejüba khi ko dhengza ko honglilah zeh thsanung shulüm arüh licho apümlangnü Levirü nübülungcho.

²⁸Levirü khithsarü tsutpu tsü Jerusalem ko hütsü mükang ko Netofa,

²⁹ko Bethgigal, Geba ko Azmavet yangdi arüh licho lanü shibülungcho.

³⁰Hütsüpü bebürü ko Levirünü arühbürü, müyurü, tbükhümti ko yangdi tbü nengdang ayah müsachehba tsü nguchicho.

³¹Ihnü tbü michah tsü Judarü langnürüti shibülungsohcho ko yangdi mükang Tsingrangba nengse mükangsohnung mülung amülah anyüh chah nyümkehjücho. Akhudiba mülung tsü tsalangthring tbü michah tsü Sehnyeh Tbükhüm lahpi tsü wücho.

³²Hoshaianü khithsarü khanglang tsü Judarü langnürü changsho akhanglang nüpü iicho.

³³Bebürü hirinü hütsü tung rühti meh wücho; Azaria, Ezra, Meshulam, Juda, Benjamin, Shemaia ko Jeremia. Hütsü tung Shemaia Shümtsurü Johathan tsurü Zekaria wücho. (Arüh jümürü hiri mii zehcho: Matania, Mikaia, ko Asaf tsutpu lanü Zakur.)

³⁶Abi yola arüh tsutpu lanü hiri wücho Shemaia, Azarel, Milalai, Gilalai, Maai, Nethanel, Juda ko Hanani, arüh atümungnü Tsingrangba nyitsarü yangthsaba Davidnü thsaba khithsaba kohro bicho. Athrahrü Ezranü yanglong dseba mülung tsü nücho.

³⁷Kihna tbükhüm la tsü arühnü David kuh khu David yangdi lang wüba lang la tsü küducho ko yangdi nyüchürolang Kih Tbükhüm la tsü thali rocho.

³⁸Khithsarü akhüu mülung tsü tbü michah tsünü fülilangthring tsicho ko arüh achangsho yola Ih wücho. Ihrünü taphi roshengvi tsü khu Amüza tbü lang tsü wücho,

³⁹ko hütsü lanü Efraim Tbükhüm, Jeshana Tbükhüm, Nguh Tbükhüm, Hananel roshengvi ko Thsih Tbukhüm hiri khu San Tbükhüm lang tsü wücho. Ko ihrünü amübükuh trahtri te zikacho.

⁴⁰Hütsüta Tsingrangba nengse khithsanü mülung anyüding ro amübükuh müdüm tsü chihcho. I yola rorüh langnürüti chah lahkeh,

⁴¹I mülungla rühti mehrü bebürü hiri zehcho: Eliakim, Maseia, Miniamin, Mikaia, Elioenai, Zekaria ko Hanania;

⁴²ko arüh khanglang Maseia, Shemaia, Eleazar, Uzi, Jehohanan, Malkija, Elam ko Ezer rocho. Jezrahianü nüba khithsarü mülung tsünü arüh linga rohcheh thsacho.

⁴³Hütsü nyümong kangmübü khütang mübücho ko müyurü akünyangnü jeng licho, tunüo Tsingrangbanü arüh khütang künyangsohcho. Hiba müzeh la tsü khingkurü azarü mii zehcho ko arüh yuva tsü ashu ko amünyeh apümlangnü yuchicho.

⁴⁴Hütsü nyümong Amübükuh nengdang dhrisü dhüre nohlüm ko kang mükhu fürü ko singsilungsi akhu sihcho khyübülung zahkehcho nyahnung anyahrü throchehcho. Yuzengnü mülacho roh-i bebürü ko Levirü khyang jüba tsü yangditi mükang luh lanü khyübülungnung tsü mii arüh chah nyümkehjücho. Judarü atümungnü bebürü ko Levirü te künyangcho,

⁴⁵tunüo Tsingrangbanü yocho kyo arühnü müsachehba ayah nguchi nguchicho. Amübükuh khithsarü ko anyahrütinüsü Yangthsaba David ko atsudhre Solomon nyühnü yuzeng külüpjücho kyo arüh nguchi nguchicho.

⁴⁶Yangthsaba David ko akhulang khithsarü Asaf shikhe lanü khithsarütinü Tsingrangba nengsekhi thsaba tsü arühnü nücho.

⁴⁷Zerubabel chiichah ko Nehemia chiichahsü, Israelrü atümungnü amübükuh la khithsarü ko anyahrü kangnung dhrisü jücho. Müyurünü Levirü khyang Amüsa amübü tsü jücho ko Levirü bebürü khyang arüh nohlüm jücho.