Read Sangtam Naga NEHEMIA 3 Bible Online

NEHEMIA 3 - Sangtam Naga bible

NEHEMIA 3

¹Yangdi tbü tsü hiroh-i külüpchicho. Amungthriba Bebüba Eliashib ko abi yola bebürütinü San tbükhüm tsü külüpcho, hütsü müsachehcho ko trahtri yohcho. Arühnü Thsih roshengvi ko Hananel roshengvi chii tbü tsü müsachehcho.

²Hütsü chungkeh tsü Jerikorünü külüpcho. Ko Imri tsurü Zakurnü hütsü chungkeh tsü külüpcho.

³Hasena tsutpunü Nguh Tbükhüm tsü külüpcho. Arühnü akhengsing tsü khengcho ko kukhang yohcho ko atohtising ko azihtising yohcho.

⁴Hakoz shümtsurü ko Uria tsurü Meremotnü hütsü chungkeh tsü külüpcho. Meshezabel shümtsurü ko Berekia tsurü Meshulamnü hütsü chungkeh tsü külüpcho. Bana tsurü Zadoknü hütsü chungkeh tsü külüpcho.

⁵Tekoarünü hütsü chungkeh tsü külüpcho, ta yangdi la langnürütinülü arüh khyang nyümkehjücho nguchi tsü münguchinyücho.

⁶Jeshana Tbükhüm tsü Pasea tsurü Joida ko Besodia tsurü Meshulam nyühnü külüpchicho. Arühnü akhengji tsü khengcho ko kukhang yohcho ko atohtising ko azihtising yocho.

⁷Gibeon lanü Melatia, Meronot lanü Jadon ko Gibeonrü ko Mezparünü Eufrates nyüzüdulang governor kuh chii külüpchicho.

⁸Hon ikengrü Harhaia tsurü Uzzielnü hütsü chungkeh tsü külüpcho. Axümlichi külüprü Hananianü Amüza Tbü chii hütsü chungkeh tsü külüpcho.

⁹Jerusalem District achangsho la yangthsarü Hur tsurü Refaianü hütsü chungkeh tsü külüpcho.

¹⁰Harumaf tsurü Jedaianü hütsü chungkeh apu kuh müshüm tsü külüpcho. Hashabneia tsurü Hattushnü hütsü chungkeh tsü külüpcho.

¹¹Harim tsurü Malkija ko Pahath Moab tsurü Hashub nyühnü hütsü chungkeh ko taphi roshengvi anyüding külüpcho.

¹²Jerusalem achangsho la yangthsarü Halohesh tsurü Shalumnü hütsü chungkeh tsü külüpcho. (Atsularütinü nguchi la tsü trocho.)

¹³Hanun ko Zanoa yangdi la lirütinü Angah Tbükhüm tsü külüpcho. Arühnü tbükhüm yohcho ko atohtising ko azihtising yohcho ko Sünyeh Tbükhüm chii tbü khehap hajar khüdu külüpcho.

¹⁴Beth Hakerem District la yangthsarü Rekab tsurü Malkijanü Sünyeh Tbükhüm tsü külüpjücho. Abinü tbükhüm yohcho ko atohtising ko azihtising yohcho.

¹⁵Mezpa District Yangthsaba Kolhoze tsurü Shalumnü Kihna Tbükhüm tsü külüpcho. Abinü Tbükhüm tsü külüpchipü atohtising ko azihtising yohcho. Shela changtphü la Yangthsaba tbü chungkeh David yangdi lanü jowüba Phaqu chii tbü tsü abinü külüpcho.

¹⁶Bethzur District la Yangthsaba Azbuk tsurü Nehemianü David kong changtphü ko rothsarü liba kuh chii külüpcho.

¹⁷Levirü hirinü hütsü chungkeh tbü tsü külüpcho: Bani tsurü Rehumnü hütsü chungkeh tsü külüpcho; Keila District achangsho la Yangthsaba Hashabianü abi district nengla hütsü chungkeh tsü külüpcho;

¹⁸Keila District achangsho la Yangthsaba Henadad tsurü Bavainü hütsü chungkeh tsü külüpcho;

¹⁹Mizpa la Yangthsaba Jeshua tsurü Ezernü hütsü chungkeh thsalu kuh bete tbü ximülaba chiinü külüpcho;

²⁰Zabai tsurü Baruknü Amungthriba Bebüba Eliashib kuh lang züduba tsü chii hütsü chungkeh tsü külüpcho;

²¹Hakoz shümtsurü ko Uria tsurü Meremotnü hütsü chungkeh Eliashib kuh khu külüpcho.

²²Bebürü hirinü hütsü chungkeh tbü tsü külüpchicho: Jerusalem mükangmüshü liba bebürütinü hütsü chungkeh tsü külüpcho;

²³Benjamin ko Hashub nyühnü hütsü chungkeh anyüh kuhbe te tsü külüpcho. Maseia tsurü ko Anania shümtsurü Azarianü hütsü chungkeh abi kuhbe te tsü külüpcho.

²⁴Henadad tsurü Binuinü hütsü chungkeh Azaria kuh tenü tbü jongnah chii külüpcho.

²⁵Uzai tsurü Palalnü hütsü chungkeh tbü jongnah ko Yangthsaba kuh rosheng vitang lanü dikeh anyahrü kuh chii külüpcho.

²⁶Parosh tsurü Pedaianü hütsü chungkeh Kih Tbükhüm shündhün ko Amübükuh nyahba rosheng vitang tsü chii külüpcho. (Hi amübükuh thsarü liba Ofel dsiba yangdi changsho münyeh licho.)

²⁷Tekoarünü (arüh anyüuba) hütsü chungkeh Amübükuh nyahba rosheng vitang khüulang Ofel shündhün tbü tsü chii külüpcho.

²⁸Bebürü mülung-onü hütsü chungkeh Kuri Tbükhüm lanü kihkulang lahpi palu kuh bete külüpcho.

²⁹Imer tsurü Zadoknü hütsü chungkeh apu kuh bete tsü külüpcho. Shekania tsurü, Nyüchüro Tbükhüm nyahba Shemaianü hütsü chungkeh tsü külüpcho.

³⁰Shelemia tsurü Hanania ko Zalaf tsurü athüroh-uba Hanun nyühnü hütsü chungkeh tsü (arüh anyüuba) külüpcho. Berekia tsurü Meshulamnü hütsü chungkeh apu kuh bete tsü külüpcho.

³¹Hon kengrü Malkijanü hütsü chungkeh amübükuh thsarü ko shithsabhülehrü liba Mifkad Tbükhüm shündhün tbü jongnah nyüchüro-kihku lahpi amunglang chongsah liba chii külüpcho.

³²Hon kengrü ko shithsabhülehrünü achangkaba chung ajongnah chongsah lanü San tbükhüm chii külüpcho.