Read Sangtam Naga NÜCHEHCHO 27 Bible Online

NÜCHEHCHO 27 - Sangtam Naga bible

NÜCHEHCHO 27

¹“Akacia singnü bholu khüdu külüpm. Hütsü ashenglang khehap münga ko adilang khehap münga, ko athsenglang khehap asang thsasohng.

²Bholu ko ajüh nyüh tsü üpüm thsanung nengdang jongnah müyü la tsü ajüh khüdu-khüdu külüpm ko bholu tsü imüyengnü münohng.

³Lihshe ashüsheh nengdang aruhfüh, michüthsohlung hiri külüpm. Hiri apüm imüyengnü külüpm.

⁴Imüyengnü yejang khüdu külüpm ko ajongnah müipi la ayo amüshi müyü imüyengnü külüpm.

⁵Yejang tsü bholu awüm chihnungthsa bholu fühbhi pohki yohng.

⁶Akacia sing imüyengnü münohpü akhau külüpm,

⁷ko adhide bholu anyüdinglang amüshi la tsü yohng.

⁸Bholu tsü singtpahnü akohthsa külüpm. Hütsü azongchah Ihnü nührü te thongucho roh-i külüpm.

⁹“Nührünü Shükuh kekhüm külüpm. Kihjing lahpi kekhüm la tsü khüulang anana shü khehap thsih khüdu nü,

¹⁰ko imüyeng kuhbi mükyü te amüdongji mükyü taripinü külüpcho ahohyehji ko idhsedong zeh külüpm.

¹¹Hütsü roh-i kihku lahpi kekhüm tsüsü külüpm.

¹²Nyüzüdulang akitising ashenglang khehap dhünyang amüdongji dhüre ko kuhbi dhüre külüpm.

¹³Nyüchürolang trahtri la kekhüm tsü adilang khehap dhünyang thsasohng.

¹⁴Trahtri anyüding lang akitising tsü khehap dhüre-münga ko amüdongji asang ko kuhbi asang thsasohng.

¹⁶Trahtri tsatsa la tsü akitising ashenglang khehap mükyü shü anana apuleh anyahrüm ko shunbüh amohnü xüyoh seyah külüpm. Hütsü amüdongji zeh kuhbi müyü yohng.

¹⁷Kekhüm mükang kuhbi tsü taripi ko imüyengnü külüpcho idhsenü hohyeh külüpm.

¹⁸Kekhüm tsü ashenglang khehap thsih khüdu, adilang khehap dhünyang ko athsenglang khehap münga thsasohng. Akitising tsü shü anana ko imüyengnü münoh külüpm.

¹⁹Shükuh la kohro apüm, avihji apüm ko kekhüm apüm tsü imüyengnü münohng.

²⁰“Romang müthe tahkhehnung shulüm, Dsi nengdang olive tuji atsauba tsü nüh yang khyübülungnung Israelrü khyang yuzeng jüng.

²¹Shükuh la akitising milang yuzeng singdi bete yohpüba dsi tsü Aron ko atsurütinü dhimüsusohng. I bete hütsü aromangnü tsingse tahkehnungbae. Hiba yuzeng hi Israelrü ko arüh tsurütinü shangnü shang yohpüng.