Read Sangtam Naga JOB 10 Bible Online

JOB 10 - Sangtam Naga bible

JOB 10

¹Akang lichonü Ih müthohko. I longmüsü amütsa hi nyijüng.

²Ih tümülangjü, Tsingrangba. I te young, tu ngang Ih nyümro?

³Nüh hitoh-i kurahnung athsalang mah-o? Nüpunü thricho mükhimüngunung ang? Ko amütsarü lümchung la mihtpho münyünung ang?

⁴Ihrünü nguchicho müngurü do?

⁵Nü kang ihrü kyo akhikyah do?

⁶Khang tuepü I münyi hidoi bhuro? ko I mülang apüm yangchiro?

⁷Ih achomükeh ta Nü chahnü Ih khümchonung süsü mülepü Nühnü müdhele.

⁸Nüpu khehnü I trüp thricho, ko ade hütsüba kheh tsünü Ih thsangnyangjüre.

⁹Nühnü Ih lihshehnü külüpcho lümchehng; hütsü thali asongsong kangsohnung do?

¹⁰Nühnü Iu khyang Ih nümüsusohnung re jücho; Nühnü Itpa mi la Ih zisohcho.

¹¹Nühnü Ifü la arüh ko shutsa thricho, ko arüh tsü shutsa ko aküpnü müyütijücho.

¹²Nühnü I khyang akang ko müthrehba amüi jücho, ko Nü axükümbanü I kang lisohcho.

¹³Ta bekhyah hütsüdoi tsü Nühnü Ih thsakehjünung du chungkopü Ihnü ade müdhere.

¹⁴Ih amünyi shitpahnung du dhengyeh liko, Nühnü I mülang müpehjünung nengdang.

¹⁵Ih amünyi shitpahyeng, Ih Nü te thsangthsi la lile, ta Ihnü athsalang nguchide, Ih tu nengse müle. Ih chongchale ko ashahnü jengko.

¹⁶Ihnü akoh ngukhang, kihkhünying kyo Nühnü Ih iichire; Ih thsakehjünung Nühnü thsayahiya mii nguchire.

¹⁷Ih nyüm lede Nü yuzi khürü lile; I te Nü rihlong zidu zire; lede Ih pehnung lümchung asi külüpre.

¹⁸Tsingrangba, tuepü Ih surosohcho? Sünüsü müngude Ih sopehba thsako.

¹⁹Mi lanü müchongkhüti kong lang wünung tsü, müsurocho atsauba thsako.

²⁰I kang hi atsirü mahrü do? Ih yah pehjüng! Anyingcho bekhyah la Ih künyang linung.

²¹Ih zah tsinung ko khodesü müthalinung; amarürah ko anyahthrüm limih lang,

²²amarürah, nbükhüm ko lümdhama limih, hütsüla atsingse tsü mii amarürah lile.