Read Sangtam Naga JOB 12 Bible Online

JOB 12 - Sangtam Naga bible

JOB 12

¹Ho, nüh tsü müyurü yuva. Khode nüh sonang, lümlong tsü nü te sünung.

³Ta Ihsü nührünü lümba toh-i tsü lümre; Ih tulasü nührü tenü apohkiba mah; Nührünü yoba apüm tsü atümungnü müdhele.

⁴Adelü I shangrünü mii Ih münyüjüre; Ih Amüsa ko achomükeh nye, arühnü Ih münyodhengre; ta khüdupilü Tsingrangbanü I dangkhidangnang lalingcho.

⁵Nührü tu athsangthsi müle, ta nührünü Ih münyodhengre; khülunungthsa liba nyüh khüdu nührünü xüpre.

⁶Ta aführü ko Tsingrangba mümüdheba nyitsarü atbachi la lire, arüh tsingrang tsü arühbürü re du thsanye.

⁷Uza ko kanglungrünü mii nührü te adonung khütang lile;

⁸alih ko kihdi kangzah te arüh lümlong tsingdheng.

⁹ABÜDONGBA khehnü arüh külüpchoepü arüh apümnü müdhele.

¹⁰Abinü thricho akang langnüba tsülü Tsingrangba du; nyitsarü apüm akang tsü Abi zii la lile.

¹¹Ta nü mülenü tsuyongba müyahdhengcho kyo, nü nangkhinü yu yuchi künyangre.

¹²Azirü lümlong lile, ta Tsingrangba lümlong ko zii lile.

¹³Azirü müngucheh lile; ta Tsingrangba müngucheh ko nguchinung tase lile.

¹⁴Tsingrangbanü tphünahjüde sünü thsachinung, ko Tsingrangbanü rangyohcho nyüh khüdu sünü lehcheh müthehnung?

¹⁵Tsingrangbanü tsing ranglide, trüpsehnyü rore; Abinü kih müthehde kihmülüm rore.

¹⁶Tsingrangba rezeh ko lede akoh; kihyochüba ko akihyochürü anyüding Abi khehla lile.

¹⁷Abinü Yangthsarü lümlong khyükhure ko langnürü khyang adohrü kyo nguchisohre.

¹⁸Abinü yangthsarü nüchore ko arangyohrü kangsohre;

¹⁹Abinü bebürü ko tase liba nyitsarüti longlümsohre.

²⁰Longlangba nyitsarü Abinü nayingsohre, ko azirü chahnü lümlong khyükhure.

²¹Abinü tase lirüti ashah khyüsohre, ko yangthsarü re changkasohre.

²²Abinü asüba kyo amarürah la atsingse müthehre.

²³Abinü yuchoti rezeh ko dii kangsohre, ta Abinü arüh kohre ko changjüre.

²⁴Abinü arüh langnürü dohsohre ko lümdhama ko chah rümchisohre;

²⁵arühnü amücharü kyo amala dhrümchi rachire.