Read Sangtam Naga JOB 14 Bible Online

JOB 14 - Sangtam Naga bible

JOB 14

¹Atpanü surocho nyitsarü atümung, akang akhikyah ko chongchanü jeng lile.

²yungpi khüdu kyo Ihsa zire ko trülohre; nbükhüm kyo Ihsa changpehre.

³I chah adhengnung mii müdhengnung mah-o? O Tsingrang, mahkhang Ih thsatsüng ko I yukhaang.

⁴Nyitsarü chahnü surocho amümsa kyo, tulanüsü amüsa chüronung mükoh.

⁵Abi akang khüdoi chah linung? choo khüdoi, hütsü amüngunü khisahpehre. Nühnü hütsü yu ziipehko, hütsü mülichinung mükoh.

⁶Abi tenü ximlang ko abi müleng pehjüng; abi chongcha akang tsü künyang lisohng.

⁷Singyahnbüh khüdu alongdi lile; hütsü anuchi akang linung.

⁸Ara tsü shi nye, adong tsü shi nye,

⁹kihnü hütsü anu chisohnung.

¹⁰Ta nyitsarülü süre ko abi hütsü achangka; abi süre ko abi khüde liro?

¹¹Pohzahba yongkhi kyo, ko kungpehba changtphü kyo,

¹²nyitsarü süre, ko khodes müsurore. Ning müchangde arüh müsuronung; arüh yüpcho lanü müsuronung.

¹³Asü lih la Ih rangpüsohnyüle; nü rihlong mükhukhangde Ih rangpüsohng ko Ih lümchehnung bekhyah khüdu throchehng.

¹⁴Nyüh khüdu sükhang, abi kanglinung do? Ta Ihlü bekhyah atsa khüdu nengdang yingnung, hiba chongcha bekhyah hi mükhukhangde yingnung.

¹⁵Hütsüpü Nühnü Ih dsinung, ko Ihnü lalingnung, ko Nühnü thricho I te Nüh künyangnung.

¹⁶Hütsüde Nühnü I mütrah apüm dhengyehnung, ta Nühnü I mnyi mübhunung.

¹⁷Nühnü hütsüri mülangpehjünung ko hütsüri nbücho pehnung; Ihnü thsamehcho apüm Nühnü pehjünung.

¹⁸Azongti khülunung shikhe tsehle, ko lungrah tsü dhimüipehnung.

¹⁹Kihnü lung threhtsangnung, ko tsingnü alih su wohkhang tsinung; hütsüta Nühnü nyitsarü akang alongdi changjre.

²⁰Nühnü nyitsarü khüdu kohre ko lede nengdang tsisohre; abi romih mülichi süsohre.

²¹Atsurünü akoh ngure, ta hütsü abinü khodesü mümüdhe, mahkhang arüh ashah khyüdesü abi te müyo.

²²Abinü apu fü thsacho ko apu lasih longricho du müdhere.