Read Sangtam Naga JOB 17 Bible Online

JOB 17 - Sangtam Naga bible

JOB 17

¹I kang achangka amünyethsa lile. Ih hariri sah chichire; I nengdang kong du nying lile.

²Atümungnü dee mütsa müthsamünyücho Ihnü dheng pümre.

³Ih yuje cho lile, Tsingrangba. I yu khyüng. I yu la trorü süsü müle.

⁴Arüh lasih khangtijüko; ade arüh khyang Ih tükohsoh.

⁵Choyohyu ahi la nyüh khüdunü thsi ngang ashangrü kihyochücho, ko atsurü hütsü ngang khingchicho.

⁶Ade hiba choyohyu hi I nengdang bichire; arühnü ro I romih chah müchohkehjüre.

⁷Longrichonü I nah tohle; I jingkhehrü nbükhüm kyo sümpehko.

⁸Yuje chorüti nehcho, ko atümungnü Ih müyudsirü khichi mülangjüre.

⁹Azirütinü alaa alaa arüh yuje-epü lümre.

¹⁰Ta arüh atümung ro I bete yarelang, arüh yola süsü dekheng müngunung.

¹¹I nyümongti khukhang tsiko; I lümchung amükoh nguko; I longdi changkako.

¹²Ta I shangrütinü ama tsü anyümongepü yore; atsingse amünyeh lilepü yore, ta Ih amarürah la lilepü Ihnü müdhele.

¹³I alongdi tsü asü lih du, hütsüla amarürah la Ih yüpjonung.

¹⁴Kong te Ihnü Uwa pü dsinung, Ih tsuba müsi te Itpa ko I nilarü pü dsinung.

¹⁵I nengdang alongdi khüde liro? Sünü hütsü li nguro?

¹⁶Alongdi tsü I yola müwünung, Ih asü lih lang wüde.