Read Sangtam Naga JOB 20 Bible Online

JOB 20 - Sangtam Naga bible

JOB 20

¹Job, nühnü Ih wahsohko. Ade Ihnü mülalingnung mürangre.

³Nühnü choba tsü müthsamünyü yu lile, ta nü te khüta lalingnung Ihnü müdhele.

⁴Hütsü jümü chahnü, limih chah akhu nyitsarü yohpüjüdenü,

⁵amütsarülü anyahli mükünyangrepü Nühnü müdhele.

⁶Abi ning chii arangcheh zinung kohle, dirachonü athahnü nyükhi chihnung,

⁷ta abi asongsong kyo fotsipehnung. Abi müdherütinü abi khüde tsichopü nyekanung.

⁸Abi melang kyo changpehnung, aromang müngucheh khüdu kyo, ko khodesü thali müngunung.

⁹Abi liba müdüm lanü abi chahpehnung;

¹⁰ko ailümrü chahnü abinü fühba tsünü atsurütinü atsa nguchinung.

¹¹Abi fü dhreza ko tase zeh linung, ta tunyah mülipü hütsü asongsong kangpehnung.

¹²Abi be la amünyi tsü khütang kyünung, hütsünü abe la khürü axümlichi nengdang khürü yohpücho.

¹⁴Ta ami la hütsü akha kangcho, akhauba müyüh kangcho.

¹⁵Amütsa nyitsarünü fühcho kuthsi mülücheh pehre; Tsingrangbanü abi mi lanü hütsü khyülire.

¹⁶Amütsarünü tsuba tsü müyüh kyo lile; mürünü mükyühcho kyo hütsünü apu süsohre.

¹⁷Abinü olive tuji yongkhi mahkhang, nyikih ko thsakukih pohba yongna müngunung.

¹⁸Abinü nguchichehcho apüm pehjünung; abinü hütsüri mütsutpahnung,

¹⁹tunüo abinü ailümrü sehchicho ko layücho, bürünü thsacho kuh chah abi kheh züdu khyücho.

²⁰Abi müxümüngu tsü khodesü nahkoh müjengcho.

²¹Abinü tsude, tusü münyingcho, ta adelü abi amüwa changkako.

²²Abi akohba achangka la chongcha apümnü abi dhsümthsenung!

²³Abi tsuxah tsusohng! Tsingrangbanü abi rihlong la abi khingchinung.

²⁴Abinü idhse nohsheng chahnü tsichehnung müküpde, imüyeng singthsalunü abi kyaa khülusohnung.

²⁵Tbüdeng khüdunü khakhu kyacho; ariri amüxi chah tsü abi shüh kehcho, ko adrüba alasih la zürocho.

²⁶Abinü khyübülungcho lüpcho changcho; nyitsarü khehnü mütahkehcho michang khüdunü abi ko akukhi apüm trüp-pehcho.

²⁷Ningnü abi münyi mishajüre, ko alihnü abi nyüm yuzi jüre.

²⁸Abi kuthsi apüm Tsingrangba kihmülüm la changpehnung.

²⁹Amütsarü müngu tsü hütsü, Tsingrangbanü jüba müngu.