Read Sangtam Naga JOB 21 Bible Online

JOB 21 - Sangtam Naga bible

JOB 21

¹I yu tsatsa nyieng; nührü chahnü atbachi hütsü du khyünyüre.

³I khyang chonung mülaang, khode Ihnü chokanang, hütsüpü du nührünü müthsamünyüng.

⁴Ihnü asüba nyitsarü te yübütarü mah; Ih mürangchonung tsü yuzi lile.

⁵I chah dheng. Nührü be kaa dhengba tsünü mükükyü ang?

⁶Ihnü I chah tikehba hi lümdhengde, Ih nyekare ko dhridhrire.

⁷Tuepü Tsingrangbanü amütsarü akang lisohro? arüh shizi ko müwa lisohro?

⁸Arüh tsuzarü ko shümtsurü lile, ko hütsüri zicho dheng lire.

⁹Arüh kukhi la achangba mürore; arüh khodesü dro mülire.

¹⁰Ho, arüh misüti suhre ko alongmüzi mülipü mütrüre.

¹¹Arüh tsuzarünü sanza kyo shangchi

¹²shajare ko tbenglah ko honglilah khi te nyiichire.

¹³Arüh akang ayung künyang lire, ko müchongchapü naying süre.

¹⁴Amütsarünü arüh yah pehjüngpü Tsingrangba te yore; arüh akang nengdang arühnü abi lümcho müyangchire.

¹⁵Tsingrangba drünung müdhsüdah pü arühnü lümre mahkhang Abi te kihchicho ajingcho mülepü lümre.

¹⁶Arühbürü tasenü kohchoepü lümre, ta hütsü Ihnü mükhyüchocheh.

¹⁷Amütsarü dsi lede mehdu lirü mah-o? Arüh khüdunü dusü achangba mümütohdhengo? Tsingrangbanü arihlong chüro amütsarü mükhingchidhengo?

¹⁸Ko nyübong la mayü roh-i fü mütsidhengsoh-o? Mahkhang tsingxinyübong la asongsong roh-i müfotsidhengsoh-o?

¹⁹Tsingrangbanü au münyi ngang atsurü khingchirepü nührünü yore. Mah! Amünyi nguchiba apu tsü khingchisohng; Arüh münyi ngang hütsü Abinü nguchirepü arüh khyang ngusohng.

²⁰Münyirü khyang palu akhingchi hisohng; Tsingrangba rihlong tsü arühnü müdhesohng.

²¹Nyitsarü khüdu süpü khanglang, atsurüti yuje künyang liro müliro abinü müdherü do?

²²Amichahba la lirü yu mii khaba Tsingrang, nyitsarünü Abi te donung kohnung do?

²³Khürü asü yingcheh akang tsa lire;

²⁴arüh künyang ko müla süre, arüh fü tsayeng yohpüpü.

²⁵Aparü akünyang seh mülire; arüh akang lipü chongcha süre.

²⁶Ta atümung sako süre ko dhrürangre; arüh atümung müsinü jengre.

²⁷Nührü lümlong amütsa Ihnü müdhele.

²⁸Nührünü yore, “Amünyi du nguchiba akurahbong kusülü khülo?”

²⁹Nührünü shitsehrü te müchotacho do? Arühnü hiroba yusi tsü mümüdheo?

³⁰Tsingrangba zichüro khingchi nyümong la, khümchoba tsülü amütsaba du tsü lile.

³¹Amütsarü mülangjürü sü müle, mahkhang abi nguchi ngang thali jürü süsü müle.

³²Khode abi kong lang hiwonang, nyah liba kong lang,

³³me peh la mükhilongnü zehre, ko alihnü mii abi me chah longlüm jore.

³⁴Ko nührü! Nührünü amükhyunü Ih kihchonung müküpre. Nührünü lalingba apüm tsü arahkheh!