Read Sangtam Naga JOB 35 Bible Online

JOB 35 - Sangtam Naga bible

JOB 35

¹Job, Tsingrangba jingte nüh achomükeh pü yoba,

³mahkhang Tsingrangba te, “I münyinü nüh tu thsangthsijüro? Amünyi müshitpahchonü Ih tu jingchoro?” pü yoba tsü athsalang mah.

⁴Ihnü nüh ko nü shangrüti yu lalingnung.

⁵Ning chah dheng! Nyükhi tsü khüdoi thsengla liro!

⁶Nühnü münyi shitpahchonü Tsingrangba müdhsakehre. Nühnü adrongpi amüthsalang nguchichonü Abi longmüzirü do?

⁷Nüh müsa lichonü Tsingrangba trorü do? Nü chahnü Tsingrangbanü tu müdhsüdah.

⁸Nü münyinü nü jünirü du chongchare, ko nühnü atsa nguchichonü abi rükure.

⁹Khode nyitsarü sehchinang, arühnü rühchire; khürü te arüh khümchoung pü züdere.

¹⁰Ta arühnü arüh thribong Tsingrangba, sünü arüh chongcha la alongdi jüro, Abi yang müximülare.

¹¹Tsingrangba sünü kanglungrü ko uza tenü alümzeh-u kangsohro, Abi yang arühnü müximülare.

¹²Arühnü züdere, ta Tsingrangbanü mülalingre, tunüo arüh amüthseh ko nyitsarü amütsa.

¹³Arüh nengdang züdenung tsü amii müle; Akohbong Tsingrangbanü arüh müngure mahkhang arüh yu münyire.

¹⁴Job, nühnü Tsingrangba ngunung mükoh pü yore; rangcho ying, nü khiyu tsü Abi khehla lile.

¹⁵Tsingrangbanü amünyi khyang müsi müjüre ko mükhingchirepü nühnü lümre.

¹⁶Nüh chodu chonung müdhsüdah; nühnü choba tsü nüpunü mümüdhe.