Read Sangtam Naga JOB 37 Bible Online

JOB 37 - Sangtam Naga bible

JOB 37

¹Tsingxinyübongnü I müsi thüthohsohre.

²Nührü atümung, Tsingrangba yuva, Abi be lanü chüroba ningki nyieng.

³Abinü ning khu tsingchi tsü alimih achangka khüulangnü khüulangchi müthehre.

⁴Hütsüde Abi khongcho yuva yuchire, ningki khongcho yuva, ko apümlang ningmülare.

⁵Tsingrangbanü yuzeng jo anyemüyangnungti tikehre, Ihsanü nyichehnung mükohba anyemüyangnung nguchi.

⁶Abinü limih chah mürang sühnung yuzeng jüre, ko tsing serasah rosohre.

⁷Abinü nyitsarü nguchi zahsohre; Abi tase arüh khyang ngusohre.

⁸Rangmü kanglungrünü arüh kuh lang würe.

⁹Tsingxinyübong kihjinglangnü füre, ko kihkulangnü arühsahkünang rore.

¹⁰Tsingrangba sahnü kih tsü mükangsohre, ko arüh ii amüküp kangsohre.

¹¹Nyükhi lanü ningmüla chürore,

¹²arüh Tsingrangba lümcho la rachide, arüh Tsingrangbanü mülacho apüm nguchire, limih apümlang.

¹³Tsingrangbanü limih khyang tsing müthehre; hütsü nyitsarü khingchinung mahkhang Abi amüi ngusohnung nengdang.

¹⁴Yalieng, Job, ko nyieng; Tsingrangbanü nguchiba anyemüyangnungti lümdheng.

¹⁵Tsingrangbanü yuzeng jo nyükhi lanü ningmülacho nühnü mümüdheo?

¹⁶Tsingrangba anyemüyang asithsa nguchi ning chah nyükhi khüta shüchiro hütsü nühnü mümüdheo?

¹⁷Kihjinglang nyübongnü alimih chah füde, thsacho du tsü nühnü müdhere.

¹⁸Tsingrangbanü ning tsü kichehpü idhse kyo kangsohnung la nühnü trochehnung mah-o?

¹⁹Tsingrangba te tu yonung ihrü te doung; ihrü lümlong adeng; ayonung tu müle.

²⁰Tsingrangba te chotanung Ihnü müyore; Tuepü Ipu changsohnung Abi khyang khuchünung?

²¹Ade ning chah atsingse tsü tehle, hütsü chah dhengkehnung visarale; ko ning tsü nyübongnü riri fopehko.

²²Kihku lahpi ahechi khüdu ngure, ko Tsingrangba ahechinü ihrü drüsohre.

²³Tsingrangba zii dirachonü Abi shündhün müwüchehre; Abi Amüsa ko nyitsarü te khiyu la yuje du.

²⁴Hütsünü tu nyekanung müle, atümungnü Abi drüre, ko sürünü amüdherüero, Abinü arüh khichi müle.