Read Sangtam Naga JOB 40 Bible Online

JOB 40 - Sangtam Naga bible

JOB 40

¹Job, nühnü Akohbong Tsingrang khyangchire; Ade nühnü hütsü pehjünung a mahkhang lalingnung?

³Ihnü thsameh choko, ABÜDONGBA. Ihnü tu lalingnung?

⁴Ihnü tusü chonung mümüküpnung.

⁵Ihnü alaa chopehko.

⁶Hütsütade tsingxinyübong lanü ABÜDONGBAnü anyüpiu Job te chotacho.

⁷Ade nyitsarü kyo shemüsung ko I yu laling.

⁸Ih yuje mücho pü yuzi jünung nühnü müküprü mah-o, Ih mülangjüpü nüh langnung müküprü mah-o?

⁹Nüh I roh-i suzehrü do? I yuva ningki toh-i nühnü chürochehnung do?

¹⁰Hütsükhang, nüpu nengla shemüsu müthsehng; adi ko ahechi jengki khyüng.

¹¹Amüthsehrü tsü dheng; nü rihlong chürung ko arüh nyehlisohng.

¹²Arüh dheng ko arüh nüchoung; amütsarü tsü hütsü lanü dhrümnahpehng.

¹³Arüh apüm alih la tsü dhrürangpehng; asü lih la tsü arüh apüm wohtieng.

¹⁴Hütsüde nüh senung Ih akhunung ko nühnü kohko pü nyengchonung.

¹⁵Kangdi Behemoth tsü dheng, Ihnü abi thricho ko nüh thricho. Abinü misü kyo zanu mükare,

¹⁶ta abi fü la tu tase liro? ko abi shuh la tu tase liro?

¹⁷Amüying cedar sing kyo yare, ko aphümyüh la tase zehle.

¹⁸Arüh tsü imüyeng kyo azi, ko ajing tsü idhsedong kyole.

¹⁹Athricho apüm yola anyekanung kanglungrü! Athribong dunü abi kohnung.

²⁰Rangmü kanglungrü shaja chah akhang la zanunü abi zisohnung.

²¹Abinü zengtrung pohki yüpjore, ko changtphü thoh yola rangre.

²²Yongkhi te zengtrung ko singtrungnü abi khümki la tsikehsohre.

²³Abinü kih thotho müdrüre; Jordan yongkhi ahong chii küro nye, abinü nahmüthsare.

²⁴Sünü abi nahtohsohpü rangnung? mahkhang zeng la sünü abi naking lanü xohsohnung?