Read Sangtam Naga JOB 7 Bible Online

JOB 7 - Sangtam Naga bible

JOB 7

¹Amüi tsurü akang hi rothsarü nguchi kyole, khee shehsherü akang khüdu kyole,

²ayurünü atbachi akhümki mükhyahcho; anguchirünü anyükheh ngang yingcho kyole.

³Ih choonü choo adeng du lisohre; aromang romang alongri hirojüre.

⁴Ih yüpnung ngakehde, bekhyah tsü zingshengre; Ih müyüp nyichire ko tsingsenung nahmürahre.

⁵Ifü müsinü jengko; mathsanü tsütiko; mathsa lanü amükih shichehre.

⁶I nyümongti alongdi müli khukhangle, lahtsah tenü atsayaba khukhangle.

⁷Lümchehng, O Tsingrang, I kang hi asah khüdu du; I akünyang tsü changkapehko.

⁸Nühnü ade Ih ngure, ta khodesü thali müngunung. Nühnü Ih yangchide, Ih tsipehpü linung.

⁹Changpehba nyükhi kyo, nyüh khüdu süre ko thali mürore;

¹⁰abi müdherü apümnü abi nbüchopehre.

¹¹Doh! Ih naying mülicheh! Ih dee zichürore! Ihnü chonung.

¹²Tuepü Ih nyah yohpüro? Ih kihkangdi mah-o?

¹³Ihnü ngakeh kyahshangnyüre. I thsaba lanü akyangnung yangchire.

¹⁴Ta Nühnü, melangnü Ih nehsohre; Nühnü müngucheh khu Ih drüsohre

¹⁵Mürümürang shutsa hila linung tenü thsingseh sücho atsau lümsoh.

¹⁶Ih müthohko; alichonü kyahpehko. Ih yah pehjüng. I akang hi tu mah.

¹⁷Nyitsarü hi tu hitoh-i thsütahro? Tuepü abi nguchi hidoi dhengyehro?

¹⁸Nyangnyü mükhu Nühnü abi xodhengre ko bekhyah mükhu abi thsatsüre.

¹⁹Ih müjü münyünung mii mütsa, I chah hidoi dhenglahnung ang?

²⁰I münyinü nüh thsakehrü mah-o, nüh adhengyehrü? Tuepü Ih nü thsatsüji thsaro? Ih nü nengdang hitoh-i bhamüling thsacho ang?

²¹Nühnü khodesü I münyi müpehjünung do? I thsamehcho mülang müpehjünung do? Tunyah mülipü Ih kong la linung, ko nühnü Ih yangchide Ih tsipehpü linung.