Read Sangtam Naga JOB 9 Bible Online

JOB 9 - Sangtam Naga bible

JOB 9

¹Ho! Ihnü hütsü akhulangnü yuchiko. Ta nyitsarünü khüta Tsingrangba nyüm khiyu kohnung?

³Sünü Abi te rehtachehnung? Sünüsü mülalingchehnungthsa Abinü atsingdhengba hajar tsingdhengnung.

⁴Tsingrangba tsü dee lümpisa ko rezeh lile; nyitsarü sünüsü Abi nyüm müyacheh.

⁵Arühnü mümüdhepü Abinü azong dhimüire, ko zichüro arüh changjüre.

⁶Alihyo zingsohre ko alih shühchijüre; alih ramehba dongdi Abinü nyangnyangjüre.

⁷Abinü nyü müchürosohnung kohle, ko amala chenghitinüsü müvisohnung.

⁸Tsingrangbanü ning kimüyade mahkang kihkangdi khang chah dhrümchide sünüsü Abi mütro.

⁹Tsingrangbanü ning chah chenghiti, maulungdhirü, Orion, Pleiades ko kihjing püti kehsohre.

¹⁰Abi nguchi arangcheh Ihsanü münyicheh, ko Abi thsayahiya achangka müle.

¹¹Tsingrangba lahkhu tsire, ta Ihnü Abi müngure.

¹²Abinü khyünyücho Abinü khyüre, ko sünüsü Abi müyaticheh; “Nüh tu nguchiro?” pü mii sünüsü mükoh yocheh.

¹³Tsingrangba zichüroba tsü lede. Rahab trorü, Abi rorüh, Abinü sehchire.

¹⁴Hütsünü Ihnü tu yunü Tsingrangba te lalingnung?

¹⁵Ih achomükeh linye, Ihnü nguchichehnung apümnü Tsingrangba I yukhaba te kihchinung du.

¹⁶Abinü Ih chosoh nye, Abinü I yu nyinung Ihnü mülongdi.

¹⁷Ih thsakehjünung Abinü tsingxinyübong müthehre, tu yuzi mülipü.

¹⁸Abinü I sah müchichisohre; Abinü I kang akhanü jengjüko.

¹⁹Ihnü tase bichinung mah-o? Tsingrangba chah tase bichinung do? Ihnü Abi yukha chah nowünung do? Sünü Abi wüsohnung?

²⁰Ih achomükeh ko yuje lile, ta I yu tsü arahkheh du kangjüre, ko I chocho apümnü Ih du mülangjüre.

²¹Ih achomükeh, ta müditpangre. Lichonü Ih kyahko. Tu amii müle.

²²Achomükeh nye, thsameh linye, Tsingrangbanü Ihsa changjünung.

²³Dhrongyengnü achomükehrü süde, Tsingrangba münyüre.

²⁴Tsingrangbanü limih tsü amütsarü khehla jüko. Abinü yukharü apüm nahtohsohko. Hütsü Tsingrangbanü münguchikhang, Sünü nguchicho?

²⁵I nyümongti shangmülita kyo tsire, arüh khüdusü atsa müle.

²⁶I kang tsü kitang kyo atsayauba tsire, yingshükuh yongmüza chah müdi thsücho jürocho kyo.

²⁷Ihnü mihtphü münyo I adhsa nbüchünung müküpkhang; I chongcha apüm thali ro Ih tachire.

²⁸Tsingrangbanü Ih achomükeh pü müyonung Ihnü müdhele.

²⁹Ih mülangjopehkhang, Tuepü Ih lümxünung?

³⁰I münyi tu aphonüsü müthsüthokhoh.

³¹Tsingrangbanü athrünyi yongroh la Ih dhiyohchüpehko, ko I jengkinü mii I te shahre.

³²Tsingrangba tsü nyitsarüelang, Ihnü abi te lalingnung; Ihjü yukhaji lang wünung.

³³Ta Ihjü kahla amüdrorü süsü müle. Tsingrangba Ihjü yukhajürü süsü müle.

³⁴Ih khingchiba nyehlieng, Tsingrangba! Nüh adrüba khyükhung.

³⁵Ihnü müdrü. Ihnü chonung, tunüo Ihnü Ipu lasih müdhele.