Read Sangtam Naga NENGSEKHI 10 Bible Online

NENGSEKHI 10 - Sangtam Naga bible

NENGSEKHI 10

¹Tuepü Nüh ashu la liro, O ABÜDONGBA? Ihrü chongchade tuepü Nüpu jangjang rangkhuro?

²Akhürahrünü müthseh ailümrü dhsümthsere; arühbürü zeng la arüh xohsohng.

³Akhürahrünü abi amütsa nguchi la müthsehre; müxümüngurünü chokehcholare ko ABÜDONGBA mükhyüchore.

⁴Akhürahrünü ABÜDONGBA mülümxüre; Tsingrangba tsü tu mah pü abinü müthsehmüla lümre.

⁵Akhürahrü lüpcho la akoh ngure; Abinü Tsingrangba yukhaba münyicheh; Abinü arorüh chah naking hingkehjüre.

⁶Abinü alüm la yore, “Ih khodesü müshüchinung; Ihlü khodesü müthsangthsinung.”

⁷Abi yu tsü chokehchola, arahkheh ko drüsohba dunü jeng lile; athrünyinung ko amütsa yu chonung la abi atsaya.

⁸Abinü yang la rang pümre, tuyah mümüdherü mapsehnung. Abi chah dhsükehsohnung abinü thsehre;

⁹kihkhünying kyo abinü arangji la jüm pümre. Ailümrü rangnung abinü jümre; abi zeng la arüh rangre ko abinü arüh tphah tsire.

¹⁰Atrorü müliba lerohpehrü khülu jore; re zehrünü arüh kohre.

¹¹Akhürahrünü apu lüm la yorü, “Tsingrangbanü mütrore! Aromih rangpehko ko abinü khodesü müngunung!”

¹²O ABÜDONGBA, akhürahrüti khingching! Thsa lirüti lümchehng!

¹³Akhürahrünü Tsingrangba müthsamünyo alüm la “Abinü Ih mükhingchinungpü khüta yonung”?

¹⁴Ta Nühnü ngure; chongcha ko khingchi lirü Nühnü dhengyoh yohpüre ko lede arüh tronung rungnüm lire. Atrorü mülirünü Nü khyang khakhuchüjüre; Nühnü lede thsamütsarü trore.

¹⁵Akhürah ko amütsarü zii tsü thsangnyangjünung; arühnü thali amütsa münguchinungthsa arüh thsamehcho ngang khingching.

¹⁶ABÜDONGBA tsü achangka müli Yangthsabong. Sünü apa tsingrang mübonang abi lih lanü changsohnung.

¹⁷O ABÜDONGBA, Nühnü suromüchürü kihchicho nyijünung; Nühnü arüh müsi mülahsohnung.

¹⁸Nyüpmüsehrü ko mürürütinü züde yuchinung; Nühnü arüh phikhüm yukhanung, hütsüde asüba nyitsarünü adrünung münguchinung.