Read Sangtam Naga NENGSEKHI 108 Bible Online

NENGSEKHI 108 - Sangtam Naga bible

NENGSEKHI 108

¹O Tsingrang, Ihnü khütang longlangre! Ihnü khi thsanung ko Nüh senung! Surung, I nbü!

²Surung, I ikhongti Ihnü, nyü khamüsunung.

³O ABÜDONGBA, yuchoti yola Ihnü Nüh senung. Müyurüti yola Ihnü Nüh senung.

⁴Nüh müthrehba amüinü ning chihre; ko Nü yujenü nyükhi chihre.

⁵O Tsingrang, Nü dicho ning chah ko Nü ahechi limih apüm la ngusohng.

⁶Nü renü ihrü khümchoung; Nühnü müirüti khümchonungthsa, I kihchicho lalingjüng.

⁷Tsingrangbanü Abi Amüsaba lanü yocho, “Akohba la Ihnü Shekem rühnah jünung ko Sukot ngah I nyitsarüti khyang changnah jünung.

⁸Gilead I yo, ko Manasesü I yo; Efraim I yo idhse kuthri ko Juda I Yangthsaba ja.

⁹Ta Ihnü Moab tsü thsüthotbhü kyo bichinung ko Edom chah I jingthri tsakehchünung; Ihnü Filistiarü chah akoh ngu züdenung.”

¹⁰O Tsingrang, Sünü atbüticho yangdi la tsü Ih no züdunung? Sünü Edom yang Ih nünung?

¹¹Yuje Nühnü ihrü pehjücho mah-o? Ihrü athrungrüti yola Nüh müwünung do?

¹²Arorüh nyüm ihrü troung; nyitsarü arüku amii müle.

¹³Tsingrangba ihrü te zeh ihrünü kohnung; Abinü ihrü rorüti kohjünung.