Read Sangtam Naga NENGSEKHI 116 Bible Online

NENGSEKHI 116 - Sangtam Naga bible

NENGSEKHI 116

¹Ihnü ABÜDONGBA müire, tunüo Abinü I te nyire; Ihnü kihchicho Abinü lalingre.

²Ihnü Abi dsi müipi Abinü I te nyire.

³Asüba dhsürünü Ih mükangti licho; adrünung asülih tsü I shündhün licho; Ih adrü ko alümxünü jeng licho.

⁴Hütsüde Ihnü ABÜDONGBA te dsicho “ABÜDONGBA, Ihnü Nü te kihchire, Ih khümchoung!”

⁵ABÜDONGBA tsü yanglilüm ko atsa; Ihsa Tsingrang tsü thsa lümjüba lile.

⁶ABÜDONGBAnü atrorü mülirü tsungtire; Ih dhsürü la lide, Abinü Ih khümchocho.

⁷Longlang, I lasih, tunüo ABÜDONGBAnü I te tsa bichiko.

⁸ABÜDONGBAnü asü lanü Ih khümchoko; Abinü I nahshükih nipehjücho ko Ih khülunung lanü shüricho.

⁹Hütsünü akang lirü limih la Ihnü ABÜDONGBA jingte tsehre.

¹⁰“Ih khüdupinü dhrümchiko”, pü yonye, Ihnü mütozah yudsi licho.

¹¹Ihnü drüseh lidesü yocho, “Sü chahsü longlangnung müle.”

¹²Ihnü ABÜDONGBA khyang I te tsacho apüm nengdang tu jünung?

¹³Ihnü akangcheh shing dhimüsunung ko ABÜDONGBA nengla dsinung.

¹⁴Anyitsarü atümung shimükhongcho la Ihnü tu nyengchocho hütsü Abi khyang jünung.

¹⁵Abi nyitsarü khüdu süde ABÜDONGBA khütoh-i dhsaro?

¹⁶ABÜDONGBA, Ih Nü dikehrü lile; Itpanü roh-i, Ihnü Nüh dikehre. Nühnü Ih asü lanü khümchoko.

¹⁷Ihnü Nü khyang anengsejüba kangmübü jünung, ko Nü te dangkhidangnangnung.

¹⁸Nü nyitsarü shimükhongcho la, Jerusalem lanü amübükuh la, Ihnü nyengchocho Nü khyang jünung. ABÜDONGBA seing!