Read Sangtam Naga NENGSEKHI 143 Bible Online

NENGSEKHI 143 - Sangtam Naga bible

NENGSEKHI 143

¹ABÜDONGBA, I kihchicho nyieng! Nüh Amüsaba la I kihchicho nyieng; Nü longlangba la I te laling.

²Nü dikehrü tüthsatsü; Nü bete süsü Amüsa müle.

³Arorühnü bhünüp ro Ih kohchehko. Ko khüdupinü Ih kohchehko. Abinü amarürah arangyoh la Ih yohpücho, ko papade sürüti kyo Ih lile.

⁴Hütsünü alongdi mülipehko; Ih dee thsa lile.

⁵Ihnü atsicho nyümongti lümdhengre; Nühnü nguchicho apüm nengdang lümdhengre, Nü nguchi apüm I lüm la rore.

⁶Ihnü I kheh Nüh yang dhimüsure; alih akung kyo I nbünü Nüh xore.

⁷ABÜDONGBA, ade I te laling! I alongdi changpehko. I tenü Nü romih türang, mahkhang Ih asü lih la lirüti kyonung.

⁸Nyangnyü mükhu Nü müthrehba amüi I khyang lümchehsohng, tunüo Ihnü Nü chah longlangre. I akihchiba Nüh chii kürore; I wünung lang I te thongung.

⁹ABÜDONGBA, tsungtisohnung Nüh yang rore; arorüh chahnü Ih khümchoung.

¹⁰Nüh I Tsingrang; Nü lümcho nguchinung I te doung. Ih müinü lang atsa la Ih nüng.

¹¹ABÜDONGBA, Nühnü nyengchocho kyo Ih khümchoung: Nüh Amüsabanü I chongcha lanü khümchoung!

¹²Nü amüinü, I rorüti mapsehng, ko I nyüpmüsehrü atümung changsohng, tunüo Ih Nü dikehrü.