Read Sangtam Naga NENGSEKHI 144 Bible Online

NENGSEKHI 144 - Sangtam Naga bible

NENGSEKHI 144

¹I tsungtibong ABÜDONGBA seing! Abinü khatanung I khyang nyichosohre, ko rothsanung Ih küdangsohre.

²Abi I tsungtibong ko khümchorü, I tsung ko I tsikehchah lile, Abi chah Ihnü longlangre. Abinü yanglihti I pohki kangsohre.

³ABÜDONGBA, Nühnü khichinungthsa nyitsarü hi tuo; Nühnü lümkehnungthsa nyitsarü tuo?

⁴Abi asah khüdu du; abi nyümongti tsü khümkhu tsiba nbükhüm kyole.

⁵O ABÜDONGBA, ning rohrüp-pü jürung; azongti tsü thahpüng ko mikhu chüronung.

⁶Ningmüla müthehnü I rorüti tsipitsizasohng; Nü tbüdeng kyamütheing ko arüh tsishosohng.

⁷Amilang Nü kheh tohchahchü kih asoh lanü Ih tphahchehng ko Ih khümchoung.

⁸Shuparü sürünü khodesü yuje müchoro ko arahkheh yuchüm mii khyüro, arüh kheh lanü Ih khümchoung.

⁹Ihnü Nüh yang khi asi thsanung, O Tsingrang; Ihnü tbenglah bi Nü te thsanung.

¹⁰Nühnü yangthsarü khyang akoh jüre, ko Nü dikehrü David khümchocho.

¹¹Atürütseh I rorüh kheh lanü Ih khümchoung; Shuparü sürünü khodesü yuje müchoro, ko arahkheh yuchüm mii khyüro, arüh kheh lanü Ih khümchoung.

¹²Ihrü tsurüti arüh kunu thsade, singdong kyo khümkhüm, ihrü tsularüti Yangthsaba kuh hechinung nangolang dongditi kyo kangsohng.

¹³Ihrü shih fürü lang papanü jengsohng. Ihrü mizatinü aza hajarnü hajar suhsohng.

¹⁴Ihrü misüti aza müthsangnyangpü ko müchahpü suhchehsohng. Ihrü yanglong la metraba tülisoh.

¹⁵Hiri kyo amüwa ngurü yucho akünyangnung; Sürü Tsingrang ABÜDONGBA liro arüh akünyangnung!