Read Sangtam Naga NENGSEKHI 20 Bible Online

NENGSEKHI 20 - Sangtam Naga bible

NENGSEKHI 20

¹ABÜDONGBAnü nüh chongcha la lide lalingjüng! Jakob Tsingrangnü nüh khümchoung!

²Abi amübükuh lanü nüh trosohng ko Zion zong lanü nüh rükusohng.

³Abinü nü mübü apüm khyüchosohng ko nü kangmübü apüm te künyangsohng.

⁴Abinü nü khyünyücho jüsohng ko nü lümchung apüm akoh ngusohng.

⁵Hütsüde nüh akoh ngucho la akünyangnü ihrünü züdenung ko nüh akoh ngucho Ihsa Tsingrang nengse khyücho mungnung. ABÜDONGBAnü nü kihchicho apüm lalingjüng.

⁶Ade ABÜDONGBAnü Abi throchehcho yangthsarü khyang akoh jürepü Ihnü müdhele; Abi Amüsa ninglangnü abi te lalingre ko Abi ziinü abi akoh jüre.

⁷Khürünü chita nyübong kari ko kuri chah longlangre, ta ihrünü ABÜDONGBA Ihsa Tsingrang zii chah longlangre.

⁸Hütsütari tsü müthikeh khülunung ta ihrülü shemüsu drengdreng yanung.

⁹Yangthsaba khyang akoh jüng, O ABÜDONGBA; Ihrünü züdede lalingjüng.