Read Sangtam Naga NENGSEKHI 26 Bible Online

NENGSEKHI 26 - Sangtam Naga bible

NENGSEKHI 26

¹O ABÜDONGBA, Ih langjüng, tunüo Ihnü yuje tsü nguchiko ko Nü chah khakhuchü yudsiko.

²Ih thsatsüng ko Ih düzodheng, ABÜDONGBA; I lasih ko lümlong thsatsüng.

³Nüh müthrehba amüi tsü I nyahrü; Nü longlangchehba la Ih nüre.

⁴Adongmücho nyitsarü yola mümükhongre; Akhürahrü te Ih tu nguchi müle.

⁵Amütsa nguchirü Ihnü thrünyire ko Ihnü arüh mürire.

⁶ABÜDONGBA, Ih alanglangepü ngusohnung I kheh mütsahre ko mübo Nü bholu mükangre.

⁷Ihnü nengsejüba khi thsare ko Nü anyemüyangnung nguchi nengdang yore.

⁸O ABÜDONGBA, Nü kuh ko Nü ahechi lichah Ihnü müire.

⁹Münyirü yola Ih tüchangsoh; amapsehrü sürünü lede amünyi nguchiro,

¹⁰ko pohsa khyüchonung yingyaro arüh kheh lanü Ih khümchoung.

¹¹Ihnülü atsa du nguchire; I te yanglilüm ko Ih khümchoung.

¹²Dhsürü apüm lanü Ih khümcho lile; hütsünü Abi müyurü ashimükhong la Ihnü ABÜDONGBA sere.