Read Sangtam Naga NENGSEKHI 30 Bible Online

NENGSEKHI 30 - Sangtam Naga bible

NENGSEKHI 30

¹Ihnü Nüh sere, O ABÜDONGBA, tunüo Nühnü Ih khümchocho ko I michah I rorüti müthsasoh.

²O ABÜDONGBA, I Tsingrang, Ihnü arüku nengdang Nü te züdecho, ko Nühnü Ih kyangjüko;

³Nühnü kong lanü Ih nüchehcho. Ih shukuh yang züduchi yacho. ta Nühnü I kang khümchocho.

⁴ABÜDONGBA te nengsekhi thsaang, Abi Amüsarü nyitsarü atümungnü! Amüsaubanü tu nguchicho lümchehng, ko Abi khyang anengse jüng!

⁵Abi zichüroba azachah du, ta Abi atsabalü akang ayung. Aromang nahshükih threhnung kohle, Traba tsü romango du, ta anyangnyü künyang ronung.

⁶I jangjang longlang yocho, “Ihlü khodesü mükohchehnung.”

⁷Nühnü I te tsacho, ABÜDONGBA; azong chah roshengvi kyo Nühnü tsungticho. Ta hütsüpü I tenü Nüpunü rangcho, ko Ih dro licho.

⁸Ihnü Nü te züdecho, ABÜDONGBA; Arüku nengdang Nü te kihchicho:

⁹“Ih süchonü Nüh tu jingchonung? Ih kongla züduchonü tu jingchonung? Asürünü Nüh senung do? Arühnü Nü tsacho sobhonung do?

¹⁰I te nyijüng, ABÜDONGBA, ko yanglilüm! Ih troung, ABÜDONGBA!”

¹¹Nühnü I awah tsü akünyang kangsohko; Nühnü I alongri khyümüijüpü akünyangnü jengjüko.

¹²Hütsüeko I sahmüthsa mülinung; Ihnü Nü te nengsekhi thsanung. ABÜDONGBA, Nüh I Tsingrang. Ihnü achangka müli Nüh senung.