Read Sangtam Naga NENGSEKHI 4 Bible Online

NENGSEKHI 4 - Sangtam Naga bible

NENGSEKHI 4

¹Ihnü kihchide I te laling, O Tsingrang, I tsungtibong! Ih chongcha la lide, Nühnü Ih trocho. I te chomang ko Ihnü kihchicho nyijüng.

²Nyitsarüti, nührünü khüdoi chah Ih mükhimüngunung? Nührünü khüdoi chah amükhyu müinung ko arahkheh khanglang wünung?

³ABÜDONGBAnü amüsarü tsü Apu yo thsanung throchehchoepü lümkehng, ko Ihnü dside Abinü yuchire.

⁴Zii chürung, ta amünyi tüshitbah; Chongnong chah sahmüthsa lide, hi nengdang soh lümdheng.

⁵ABÜDONGBA khyang yuje kangmübü jüng, ko Abi chah longlang.

⁶Nyitsarü adrongnü hiroh-i kihchire: “Ihrü khyang amüwa alaa khülo, O ABÜDONGBA. Ihrü chomang.”

⁷Ta Nühnü jüba akünyang hilü, arüh tsang ko yongkha khütango tenü awüu.

⁸Ih ngakehde, Ih tbachi yüpsehre; Nüh dunü, O ABÜDONGBA Ih khümcho yohpüre.