Read Sangtam Naga NENGSEKHI 41 Bible Online

NENGSEKHI 41 - Sangtam Naga bible

NENGSEKHI 41

¹Sünü ailümrü lümdhengro abi akünyangnung; arüh thsangthsi la ABÜDONGBAnü arüh tronung.

²ABÜDONGBAnü arüh tsungtinung ko arüh akang rikinung; alih la Abinü arüh künyangsohnung; arorüh khehla arüh müpehjünung.

³ABÜDONGBAnü arüh füthsade rükunung ko kyangjünung.

⁴Ihnü yocho, “Ihnü Nüh nyüm amünyi shitpahko, ABÜDONGBA; I te yanglilüm ko Ih kyangjüng.”

⁵I rorütinü Ih khürah chore; Arühnü Ih süsohnyüre ko nbüchopehnyüre.

⁶Sünü Ih shirünung roro arüh yuje mah; arühnü I nengdang yusi amütsa khyübülungre ko apümlang wünü chochire.

⁷I thrünyirütinü I nengdang rang chotare, arühnü I nengdang amütsauba külüpre.

⁸Arühnü yorü, “Abi sünungthsa füthsale; abi khodesü achongnong chahnü müshemüsuchehnung.”

⁹Ihnü longlangba, I shangrükhung, tbhü khüdu la marita tsuba, abinü mii Ih nyümpehko.

¹⁰I te yanglilüm, ABÜDONGBA, ko Ih kyangjüng, ko Ihnü I rorüh te rühyangnung.

¹¹Arüh khyang Ih mükohsohnung, ko Nühnü I te künyanglepü Ihnü müdhenung.

¹²Nühnü Ih rükunung, tunüo Ihnü athsalang du nguchire; Nühnü Ih achangka müli Nü te yohpünung.

¹³Israel Tsingrang ABÜDONGBA seing! Ade ko lede Abi seing! Amen! Amen!