Read Sangtam Naga NENGSEKHI 45 Bible Online

NENGSEKHI 45 - Sangtam Naga bible

NENGSEKHI 45

¹Ihnü Yangthsaba khyang khi hi tangde, yu nyiyahnü I thoh jengko. Athrahrü atsa pen kyo, I müle yu chungnü jeng lile.

²Nyitsarü yolanü nyükheh atsau; nüh yuthrungrü lile. Tsingrangbanü lede nüh müwajüre.

³Akohba yangthsaba, Nü nohsheng nohtrüp la yohng; Nüh ahechi ko adibong.

⁴Yuje ko athsalang khümnung shulüm ahechi la akohba yang shang! Nü tasenü akoh ngusohnung!

⁵Nü tbüdeng akoh, arühnü Nü rorüh lasih la kyare; Nü jingte yanglihti khülunung.

⁶Tsingrangbanü nü khyang jüba yanglih tsü müchangkapü linung. Nühnü Nü nyitsarü michah yujenü yangthsanung;

⁷Nühnü yuje müire ko amütsa thrünyire. Hütsünü Tsingrangba, nü Tsingrangnü nüh throchehcho ko aparü yangthsarü tenü nü chah alaa akünyang mükhakehjücho.

⁸Nü jengki chah müchiji ko aloes axümlichi lile; Thsüro-hanü sehyahcho yangthsarü kuhla khi thsarünü nüh künyangsohre.

⁹Nü shirü yola tsü yangthsarü tsularüti zehle, ko nü pümji tsalangthring tsü Ofir hon jengki khyüpü yangthsalatpü tsü yale.

¹⁰Yangthsaba nitpü, Ihnü tu yoro nyieng, nü nyitsarü ko nü tsutpurü nbüchüng.

¹¹Nü tsah atsa tsü Yangthsabanü mürunung; abi abüdongba lile, nühnü abi yocho nyieng.

¹²Tyre-rünü nü khyang jiyü hironung; alirünü arüh khümsohnung müküpnung.

¹³Yangthsaba kuhla tsü atsulatpü lile, abükyü tsah khüta atsa! Abükyü jengki tsü hon shenü kyahcho.

¹⁴Asehyahcho jengki tsü khyüsohpü Yangthsaba yanglang, amüyangyohlarü zehnü, arüh abi yang nowüre.

¹⁵Arüh akünyang ko alongphinü jeng rore ko Yangthsaba kuhla züdure.

¹⁶Nüh, I Yangthsabong, nü jümürü chungmülihnungthsa atsurü adrong linung, ko nühnü lihküp la arüh yangthsarü kangsohnung.

¹⁷I khinü Nü nengse lede akang lisohnung, ko atümungnü achangka müli Nü nengsenung.