Read Sangtam Naga NENGSEKHI 58 Bible Online

NENGSEKHI 58 - Sangtam Naga bible

NENGSEKHI 58

¹Nührü yangthsarütinü yuje yukha müjüdhengo? Nührünü atümung yu athsalangnü kharü mah-o?

²Mah! Nührü lasih la amütsa du nguchinung lümre, ko nü khehnü limih la shühkhatohba nguchire.

³Amütsarünü akang ayung thsamehre; asurodenü arahkheh chomüsure.

⁴Mürü kyo arüh müyühnü jeng lile; anangtbeng wongmürü kyo arüh nangkhi thsitire,

⁵hütsünü nührü münyehrü mahkhang, arahmütsa amongrü yuva müyuchire.

⁶O Tsingrang, hiri adrünung kihkhünying aha tümpehjüng.

⁷Kih nümülacho kyo arüh changsohng; lang la za kyo arüh sehnahsohng.

⁸Arüh shünganyilong kyo shenahsohng; Asücho akhunga suroba atsingse müngudhengcho kyo arüh kangsohng.

⁹Arühnü mümüdhe-enü, za kyo arüh kyüsahre. Tsingrangbanü arihlong chüro arüh akang linü arüh mehpehnung.

¹⁰Münyirüti khingchicho ngude Amüsarü künyangnung; amütsarü shüh la arüh jing thsüthohnung.

¹¹Nyitsarünü yonung, “Amüsarü yuje jiyüko; Yuje limih yukhabong Tsingrangba khüdu lile.”