Read Sangtam Naga NENGSEKHI 60 Bible Online

NENGSEKHI 60 - Sangtam Naga bible

NENGSEKHI 60

¹Nühnü ihrü thrüchahchüko, O Tsingrang, ko ihrü thsangnyangjüko; Nüh ihrü te zichüro liko, ta ade ihrü yang ximülang.

²Nühnü limih shühchisohko, Nühnü hütsü rohrüpjüko; aiha tsü kyangjüng, tunüo hütsü zengrüp tsile.

³Nü nyitsarü khütang chongchasohko; yongkhanü müchacho roh-i ihrü khüluchire.

⁴Mülang jünung lanü tsiphunung shulüm, Nü yocho nyirü te Nühnü müzahsohko.

⁵Nü tasenü ihrü khümchoung; Nühnü müibati khümchonungthsa ihrü kihchicho laling.

⁶Abi Amüsa kuh lanü Tsingrangbanü yocho, “Akünyangnü Ihnü Shekem changnahjünung ko Sukot ngah I müyurüti khyang changnah jünung.

⁷Gilead ko Manase I yo; Efraim tsü I idhse kuthri ko Juda I Yangthsaba ja lile.

⁸Ta Moab I mütsahtbhü kyo ko I yo amüdhethsa Edom chah Ihnü I jingkhüm tsakehchüjünung. Filistinrünü I michah sechinungepü lümcho mah-o?”

⁹O Tsingrang, lungtbü yangdi la tsü sünü Ih no züdunung: Edom lang sünü Ih nowünung?

¹⁰Yuje Nühnü ihrü thrüchahchüpehcho mah-o? Ihrü rothsarü yola Nüh müshemüsunung do?

¹¹Arorüh nyüm ihrü troung; nyitsarü arüku amii müle.

¹²Tsingrangba Ihsa lahpi zeh Ihsanü kohnung; Abinü Ihsa rorüh kohnung.