Read Sangtam Naga NENGSEKHI 63 Bible Online

NENGSEKHI 63 - Sangtam Naga bible

NENGSEKHI 63

¹O Tsingrang, Nüh I Tsingrang ko Ihnü Nüh mükhyahre. I kangshünü Nüh mükhyahre; Akungchehcho, athrehchehcho kih müliba alih kyo, I nbünü Nüh xore.

²I khyang Amüsa kuhla Nüh ngusohng; Nüh khütoh-i Akohba ko ahechinang I te ngusohng.

³Nü amüthreba amüi tsü akang tenü awüba, hütsünü Ihnü Nüh sere.

⁴I kangli ayung Nü khyang anengse jünung; Ihnü I kheh dhimüsu dangkhidangnangnung.

⁵I nbü künyangnung ko longnyüpnung, ko Ihnü akünyang khi thsanü Nüh senung.

⁶Chongnong chah yüpjode, Nüh lümchehre: müyüp Ihnü Nüh lümchire,

⁷tunüo lede Nüh I trorü licho. Nü qo khümki Ihnü akünyang khi thsacho.

⁸Ih Nü chah tbhakehre, ko Nü khehnü Ih khümre.

⁹Sürünü Ih mapsehnung müküpro arüh asü lih yang züdunung.

¹⁰Arüh khata la mapsehnung ko arüh me rangfünü tsunung.

¹¹Tsingrangbanü abi khyang kohsohchonü yangthsabanü künyangnung. Tsingrangba nengla yuchümrü atümungnü Abi senung. ta arahkhehrü be khangtijünung.