Read Sangtam Naga NENGSEKHI 7 Bible Online

NENGSEKHI 7 - Sangtam Naga bible

NENGSEKHI 7

¹O ABÜDONGBA, I Tsingrang, Ih khümchosohnung Nü yanglang rore; Ih iichirü atümung kheh lanü Ih iichoung ko khümchoung,

²mahkhang I khümchorü sü müli la kih khünyingnü roh-i arühnü Ih tphah tsinung, ko zangzang Ih rehnahpehnung.

³O ABÜDONGBA, I Tsingrang, Ihnü khürü mülangsohpü likhang, shangrü khüdu kihyochüpü likhang mahkhang I thsamehsohrü khürü te yanglilüm ngusohpü likhang, Ihnü hiri yola khüdu dusü nguchipü likhang,

⁵I rorüti khyang Ih iichisohng ko rangsohng, arüh khyang Ih kyütsu, kyüseh, alih la asücho pehjüsohng!

⁶Nü zii chürung, O ABÜDONGBA! I rorüti rihlong nyüm Nüh shemüsung; Nüpu jangjang shemüsu Ih troung! Yuje du tsü Nühnü chingre,

⁷hütsüeko nyitsarü atümung Nü jingte nübülung, ko arüh michah amunglangnü yangthsang.

⁸Nüh amüi tsurü atümung yukhabong. I phikhüm yukhang, O ABÜDONGBA; Ih achomükeh pü Nühnü müdhele.

⁹Nüh Amüsaba Tsingrang ko ihrü lümcho ko mükhyahcho yukhare. Amütsa nyitsarü akhürah tsü yatieng ko atsarü khyang jiyüng.

¹⁰Tsingrangba tsü I tsungtibong; Abi yocho nyirü Abinü khümchore.

¹¹Tsingrangba tsü yuje yukharü ko lede amütsarü mülangjüre.

¹²Arüh lasiking müthsamülakhang, Tsingrangbanü anohsheng xengchehnung. Abinü athsalu hehkehpü mii yale;

¹³adrünung kehba thsunohrü tsü Abinü dhimüsuko ko michang kehba tbüdeng tsü mii yale.

¹⁴Dheng, akhürahrünü khütoh-i mütsa lümro; arühnü chongchasohnung rah külüpre ko kihyochüba nguchire.

¹⁵Ta arühnü bürü khyang thsapüjüba la tsü arühbürü xohre.

¹⁶Hütsüta arühbürü jangjang khingchire ko palu shühkhatohba la thsakehre.

¹⁷Abi yuje nengdang Ihnü ABÜDONGBA sere, Amichahba, ABÜDONGBA te Ihnü nengse khi thsare.