Read Sangtam Naga NENGSEKHI 8 Bible Online

NENGSEKHI 8 - Sangtam Naga bible

NENGSEKHI 8

¹O ABÜDONGBA, ihrü Büdongba, Liküp la Nüh mülahcho ngure! Nü nengsenü ning chihko;

²Hütsü azarüti ko akhungarütinü thsako. Nü nyümrü atümung chahnü Nüh tsiphu ko Khümcho lile; Nühnü Nü nyümrü masü yatichehle.

³Nü khehthsiti ning chah Ihnü kehchü dhengde, Nühnü thri yohpüjücho chonu ko chenghiti chah dhengde,

⁴Nühnü abi nengdang lümdhengnungthsa nyitsarü hi tuo, nyitsarü khüdu du; Nühnü abi lümxünungthsa tu?

⁵Ta Nühnü Nüpu tenü thridunü apohkiba külüpcho, Nühnü abi adhichi ko ahechi kuthri thrijücho.

⁶Akülüpcho michah Nühnü abi Abüdongrü thsanung throchehcho; Athricho apüm michah Nühnü abi yohpüjücho:

⁷San ko misü ko rangmü kanglungrü michah miinü;

⁸Uza ko ngu ko kih la kangzahti michah.

⁹O, ABÜDONGBA, ihrü Büdongba, Liküp la Nü mülahcho ngure.