Read Sangtam Naga NENGSEKHI 81 Bible Online

NENGSEKHI 81 - Sangtam Naga bible

NENGSEKHI 81

¹Ihsa khümba Tsingrang te akünyangnü züdeing; Jakob Tsingrang te anengse khi thsaang!

²Khi tsü dikehng ko tambourin tsü tieng; Tbenglah ko honglilah bichi anyinyünung khi thsaang.

³Chonu asi ko anyümülih la, thsüti nengdang rühti tsü mehng.

⁴Hi Israel la yuzeng, Jakob Tsingrang chahnü.

⁵Abinü Ijip lih mahde, Israelrü khyang hütsü jücho. Mütsüpba yuva khüdu lanü yocho Ihnü yuchicho.

⁶“Ihnü arüh rung chahnü bhamüling pehjüko; Ihnü nü lung bha dhichosohko.

⁷Nührü thsangthsi la nührünü I te dsicho, ko Ihnü nührü khümchocho. I lichah tsingxinyübong lanü Ihnü nührü te lalingcho. Ihnü Meriba kihnatung la nührü thsatsücho.

⁸I müyurüti, Ihnü yocho nyieng; Israel, nührünü I yocho nyisohnyüre.

⁹Nührünü tsingrang apa mümübübae.

¹⁰Ih ABÜDONGBA nührü Tsingrang, sünü Ijip lanü nührü nüchehcho. Nührü be khangthrung, Ihnü nührü khyang tüpnung.

¹¹“Ta I nyitsarünü I te münyire; Israelrünü I yocho münyire.

¹²Hütsünü lasih müküpba langla arüh wüsohcho ko arühnü khyünyücho nguchisohcho.

¹³I nyitsarünü I yu nyirelanglü; Arühnü I yocho nyirelanglü!

¹⁴Ihnü arüh rorüh zahnü kohjünung ko arüh nyüm I kheh lehchehnung.

¹⁵I thrünyirünü I jingte dro mükhukehnung; arüh akhingchi achangka mülinung.

¹⁶Ihnü litoh atsaubanü nührü kangnung ko rangmü thsakukihnü nührü longnyüpsohnung.”