Read Sangtam Naga CHOYOH 18 Bible Online

CHOYOH 18 - Sangtam Naga bible

CHOYOH 18

¹Bürü yola mülamungrünü arühbürü nengdang du lümre; Atümungnü yuje-e nye arühnü rire.

²Amüpisarünü nyichonung mahpü abi sihthsacho ngusohnung du mürure.

³Amünyi ko ashakhyü aroh würe; ko adhichi changkade ashahkhyü rore.

⁴Nyüh khüdu yu tsü kihjü kyo asoh ko amüseng pohyaba yongna kyo lümlong pohji thsanung kohle.

⁵Thsamehrü khümnung ko achomükehrü nyümnung tsü athsalang mah.

⁶Adohrünü lengtanung dikehba tsü lahnung chingre.

⁷Amüsithsarünü chode apu jangjang jowüre; apu yu la abi xohre.

⁸Tsupohyupoh tsü khütang amüsüp ko Ihsanü hütsü mürure.

⁹Ayungsührü tsü athsangnyangrü kyo amütsa.

¹⁰ABÜDONGBA sü roshengvi akhümkhüm, hütsüla Amüsarü wü tsikehre.

¹¹Ta alirünü yangdi mükang lungtbü akhümkhüm ko athseng liba kyo kuthsinü arüh khümchonungepü lümre.

¹²Athsangnyang müroedelü nyitsarü lasih tsü amüküp, ta alonglüm tsü nengse bekhu würe.

¹³Khürünü müyuchie lalingkhang, hütsü abi amüpisa ko ashah.

¹⁴Füthsade müsi mülahchonü kyangre, ta hütsü chahkhang alongdi müle.

¹⁵Amüdherünü lede nyichonung longphire.

¹⁶Nühnü atungte nyitsarü shirünyükhang jiyü hiwüng ko mülati shirünung.

¹⁷Abi nyümbanü abi te yu mütsingdelü sünü akhu yu khaba bete chonang abi du alanglang roh-i ngure.

¹⁸Tase zeh anyüh kahla khiyu chürode, zii thsachonü du yu tsü changkare.

¹⁹Jünirü atrota tsü akhümkhüm yangdi tbü kyole, ta abi te yubejarongkhang, abinü nü khyang kukhang tohti pehnung.

²⁰Nü yu lanü tu chüronang hütsü te nüh linung.

²¹Nühnü tu chonang hütsünü akang khümchonung mahkhang changnung; hütsüde nü yu khu chürochonü nüh linung.

²²Sünü anitpü atsa ngunang abinü kuthsi atsa nguko, ko hütsünü ABÜDONGBAnü abi müicho ngure.

²³Ailümrünü kihchi chore, ta alirünü kakonü lalingre.

²⁴Khürü shangrü thsacho zah threhre, shangrü khürü jünirü tenü awüba müitare.