Read Sangtam Naga CHOYOH 2 Bible Online

CHOYOH 2 - Sangtam Naga bible

CHOYOH 2

¹Itso, nührünü I docho nyikhang ko I yuzeng bichikhang,

²lümlong nyichonung ko nyichehnung nü lasih jükhang,

³ho, nühnü asithsa nengdang züdekhang, ko anyichehba nengdang kihchikhang,

⁴nühnü hütsü taripi ko rang liba kuthsi kyo yangchikhang;

⁵ABÜDONGBA drüba tsü nührünü nyichehnung ko Tsingrangba müdheba tsü ngunung.

⁶Tunüo ABÜDONGBAnü lümlong jüre; Abi chahnü amüdhe ko anyichehba rore;

⁷Amüsa ko yuje chorü Abinü trore ko tsungtire.

⁸Aparü te tsa bichirü Abinü khümchore ko Amüsarü Abinü nyahre.

⁹I yocho nyikhang, nühnü Amüsaba ko yuje, amüchong ko lang atsa apüm nyichehnung;

¹⁰lümlong nü lasih la ronung ko amüdhenü akünyang jünung;

¹¹asithsa ko anyichehbanü nüh nyahnung;

¹²ko amütsa nguchi lanü nüh yatinung. Arühnü chocho yu lanü achongcha hiroba,

¹³Amüsa akang pehpü amünyi amarürah la liba,

¹⁴amütsa nguchi ko amünguchiba münyi la künyangba,

¹⁵ko long mülangchehba nyitsarü kheh lanü nüh khyükhu yohpünung.

¹⁶Yu anyiyah cho nüh xohnung müküprü khingkurü amütsa,

¹⁷Amüsa yuchüm nbüchüpü anii te yuje mücho rachiba kheh lanü nüh khümchonung.

¹⁸Hütsütari yang wükhang, nüh asülang lang würe. Hütsülang wüba tsü, asürü lih yang würe.

¹⁹Abükyü xodhengrü süsü müthalire. Akang lang yang khodesü müthalire.

²⁰Hütsüeko nyitsarü atsa iiwüng ko müsa lieng.

²¹Amüsa akang, yuje cho akang hiba lih la linung.

²²Tunüo amütsarü Tsingrangbanü kyopehnung ko amümüsarü singdong roh-i aranü rohpehnung.