Read Sangtam Naga CHOYOH 22 Bible Online

CHOYOH 22 - Sangtam Naga bible

CHOYOH 22

¹Kuthsi amülah tenü aneng atsa throung, ko neng atsa tsü hon ko taripi tenü atsau.

²Hi alirü ko ailümrü anyüding yo: ABÜDONGBA tsü anyüding külüpbong.

³Asithsa nyitsarünü dhsürü ronung dhengcheh müripehre, ta khoto nyitsarünü müdhengkyapü wünü hütsü dhsükehre.

⁴Alonglüm ko ABÜDONGBA drüba amii tsü kuthsi, adhichi ko akang.

⁵Nü kang müikhang khürahrü khyang lang la thsapüjüba zeng lanü shehkhu lieng.

⁶Azarü khüdu abi wünung langla doung, ko abinü hütsü lanü müzanung.

⁷Alirünü ailümrü michah yangthsare, ko anyabong tsü anyajüba yurü.

⁸Yuje mücho shukhang achangba xanung, ko nührünü khingchiba changkanung.

⁹Amüi bichieng ko ailümrü te changtaang. Hütsü ngang nüh müwajünung.

¹⁰Müthsamünyürü tenü za lieng, ko yubejarong, yübüta ko mükhimünguta mülinung.

¹¹Sünü lasiking amüsa ko yu aküna müinang, yangthsaba tsü nü shangrü kangnung.

¹²Yuje tsü ABÜDONGBAnü dhengyehre, ta arahkhehrü Abinü pehre.

¹³Kuhbete chüdukhang kihkhünyingnü mükahsehnungepü cho adsererünü kuhla du pümre.

¹⁴Nahtrahnaxeng tsü uzathsa; sürü te ABÜDONGBAnü mükünyangro arüh hütsüla xohre.

¹⁵Ayahnü azarünü amüsithsa nguchi nguchire; ta arahsehba janü hütsü ashu iipehre.

¹⁶Sünü alirü khyang jiyüro mahkhang alirü kangnung ailümrü khingchiro abi iilümnung.

¹⁷Nyieng, lümlong lirünü chocho Ihnü nü te donung. Arühnü docho yangching,

¹⁸ko hütsü lümkeh yochehkhang nüh künyangnung.

¹⁹Nü longdi ABÜDONGBA chah yohpüsohnyüre, hütsünü Ihnü hiri tsü ade nü te yonung.

²⁰Nü nengdang Choyohcho sangre Ihnü thrah lile. Hütsüla athsüchi ko amüdhe zehle.

²¹Ko yuje tsü tunang hütsünü nü te donung. Hütsü yangchinung nüh wüsohde, alalingba atsa ngupü nühnü thalinung.

²²Akohtitangthsa ailümrü chahnü müruthsa tükhyü; yu khaji chah atrorü mülirü chahnü ajingcho tükhyü.

²³ABÜDONGBAnü arüh nengdang yajünung ko sürünü arüh mütichiro ABÜDONGBAnü arüh mütichinung.

²⁴Zii thsüthsah ko akoh titang nyitsarü te shangrü tüthsa.

²⁵Arüh saying nyichopü nühnü müpehchehnung.

²⁶Bürü thsite sahnung tüphungcho.

²⁷Nühnü müsahchehkhang, bürünü nü chongnong mii dhitsijünung.

²⁸Jümürünü khyümcho lurü khodesü tülohmüi.

²⁹Atsa nguchiba nyüh khüdu I te ngusohng ko atümung tenü atsauba ko yangthsarü yola mükhongnung dekhengba nyitsarü nü te Ihnü ngusohnung.