Read Sangtam Naga CHOYOH 26 Bible Online

CHOYOH 26 - Sangtam Naga bible

CHOYOH 26

¹Müyüde müdhrang longcho ko maxade tsing rocho roh-i adohrü seba tsü amüphishu.

²Nühnü müthsamehkhang chokehchola nye nü chah müküdunung. Hütsü müpümpü mongchi rachiba uza kyole.

³Kuri chah xüpre, gadu be la laküm yohjüre, ko hütsüta adohrü rungchah tangre.

⁴Nühnü adohrü roh-i lalingkhang, nüh tsü nü te tsingdhengba adohba kyole.

⁵Adohrü te yunü laling ko sünü tsingcho abi tsü adsatsarü mah pü abinü nyichehnung.

⁶Sünü adohrü riwüsohnang nüpu jing kyopehre ko athsangthsi dsiyohre.

⁷Adohrü be la choyohba yu tsü ajingjahrü jing hohyaichicho kyole.

⁸Adohrü seba tsü kyalu la lung rahkehpücho kyole.

⁹Adohrünü choyoh yu bichiba tsü amücharünü kheh lanü zeng khupehnung müküpcho kyole.

¹⁰Ashirücho adohrü masü nyükheh yangba tsünü nyitsarü atümung lerohpehjüre.

¹¹Mülüpehcho tsunung Füzanü thalicho kyo adohrünü amüsithsa loli nguchire.

¹²Mümüdhepü müdhecho roh-i lümrü tenü, amongdongrü tsü khü atsau.

¹³Tuepü adsererünü kuh lanü müchüroro? Abi kihkhünying drürü mah-o?

¹⁴Kuhkhangnü küpja chah du rehchicho kyo adsererünü achongnong mükoh pehtsire.

¹⁵Nyitsarü khürülü abe la tsang nyümnung mii dserere.

¹⁶Dee tsa lalingchehba nyüh dhünyeh tenü abi asithsabaepü adsererünü lümre.

¹⁷Bürü yübütacho la tsungrangba tsü dongkhu füza anangkunü rangchicho kyole.

¹⁸Sünü bürü kihmülapü thsülitacho mütangro, amükyangrünü thsunohrü te thsülitacho kyole.

²⁰Sing müzehkhang michang mehre; tsupohyupoh mülikhang yubejarong zahre.

²¹Mihanü michüh rürüpsohre, singnü michang trusohre, ko alongmüzi jürü nyitsarünü yubejarong trusohre.

²²Tsupohyupoh tsü khütang amüsüp! Ihsanü hütsü tsunung mürure!

²³Lasih mümüchongpü yu nyiyahba tsü alih füh taripi iichühnü müyüticho kyole.

²⁴Akhürahrünü nengse jüde abinü thrünyicholü müyümtire.

²⁵Yuje roh-i thsanung ta tüyudsi, tunüo alasih thrünyitabanü jengmülüm lile.

²⁶Abinü thrünyicho müyümtinung kohle, ta abinü amütsa nguchicho atümungnü ngunung.

²⁷Sünü shukuh juro, abi hütsüla dhrümrangnung ko sünü lung khülu müthehro hütsünü abi kengsehnung.

²⁸Arahkheh mülenü abinü thsakejüba thrünyire, ko yu kyürü benü athsangnyang hirojüre.