Read Sangtam Naga CHOYOH 3 Bible Online

CHOYOH 3 - Sangtam Naga bible

CHOYOH 3

¹Itso, Ihnü docho tünbüchü. Ihnü yocho lede lümkehng.

²Hütsünü nü khyang kutsüp ko amüwa jünung.

³Yocho nyiba ko longlangba nü tenü tüzasoh. Hiri nü hong la lahng ko nü lasih la thrahng.

⁴Hütsükhang Tsingrangba ko nyitsarü künyangnung.

⁵Nü lasih apümnü ABÜDONGBA chah yudsing. Nü lümcho ko müdhecho la khodesü long tülang.

⁶Nü nguchi apüm la ABÜDONGBA lümchehng ko Abinü yuje lang tsü nü te ngunung.

⁷Nüpu jangjang nüh asithsaepü tülüm; ABÜDONGBA drüng ko amünyi lanü ximülang.

⁸Hütsü nü mathsa khyangnung ko nü tohthsa tbachinung moi lile.

⁹Nü chisichehcho lanü atsauba amübü jo ABÜDONGBA khyang jengreng jüng.

¹⁰Hütsükhang nüh führünü jeng linung ko nü shinga lede mülümthoh linung.

¹¹Itso, ABÜDONGBA yuzeng tümüthsamünyü mahkhang Abinü khatachonü tümüthoh.

¹²Tunüo au khüdunü abinü müiba tsurü yübücho kyo ABÜDONGBAnü sü müiro abi te khatare.

¹³Sünü lümlong nguro ko anyichehba nguro abi akünyangnung,

¹⁴Taripi tenü hütsüla alaa ajingcho zehle; hon tenü hütsü amii awüba.

¹⁵Lümlong tsü thsidi lung tenü awüba; nühnü müruba tunüsü hütsüte mükitacheh.

¹⁶Lümlongnü kutsüp, kuthsi ko adhichi jüre.

¹⁷Lümlongnü akünyang akang ko atbachi lang nüre.

¹⁸Sürü asithsa kangro arüh künyang lire; lümlongnü arüh khyang akang jüre.

¹⁹ABÜDONGBA apu lümlongnü alimih thricho; Abi amüdhenü ning külüpcho.

²⁰Abi lümlongnü yongkhi pohsohcho ko alimih khyang nyükhinü tsing rosohcho.

²¹Itso, nü lümlong ko anyichehba chah yümpung. Hütsü nü chahnü khodesü tütsisoh.

²²Hütsünü nü khyang akang atbachi ko akünyang jünung.

²³Müdrüpü nühnü rachinung ko khodesü mümüthikehnung.

²⁴Nüh pümde müdrünung ko ngakehde tbachinü yüpsehnung.

²⁵Amütsarü chah tikehba tsingxinyübong roh-i thohdhü dhsürü rode nühnü müdrünung.

²⁶ABÜDONGBAnü nüh khümchonung. Abinü nüh dhsürü la mülongsohnung.

²⁷Nühnü nguchinung kohde, thsütahrü te atsa nguching.

²⁸Nühnü ade trochehnung likhang nü kurümrü atu chii tüyingsoh.

²⁹Nü shündhün nü chah longlang liba nü kurümrü thsakehnungthsa tusü tükülüp.

³⁰Nü te amütsa münguchirü khüdu te tu alang mülipü türita.

³¹Shüh khatohrü tümükhyah mahkhang arüh kyo tünguchi;

³²ABÜDONGBAnü amütsa nguchirü thrünyire, ta Amüsarü chah longlangre.

³³ABÜDONGBAnü amütsarü kukhi chah chokehcholare, ta Amüsarü kukhi müwajüre.

³⁴Müthsamünyürü Abinü müthsamünyüre, ta alonglümrü Abinü khümre.

³⁵Lümlong lirünü adhichi ngunung, ta amüsithsarü ashah du mütohre.