Read Sangtam Naga CHOYOH 4 Bible Online

CHOYOH 4 - Sangtam Naga bible

CHOYOH 4

¹I tsurüti, nüu nü thülacho nyieng. Lasih jo nyieng ko nühnü müdhenung.

²Ihnü nü te akhyüba dore, hütsüeko nühnü tünyipeh.

³Uwa chahnü I müleng azarü azikyah thsade;

⁴Unü I te do yocho, “Ihnü yocho lümkehng ko khodesü tünbüchü, Ihnü yocho nguching ko nüh akang linung.

⁵Lümlong ko anyichehba ngung. Ihnü yocho tünbüchü mahkhang tüpehjü.

⁶Lümlong tüthrüchahchübeh, hütsünü nüh tsungtinung, hütsü müing ko nüh khümcho linung.

⁷Lümlong adikeh tsü hi: Lümlong yangching ko apa nguh nye anyichehba alaa yangching.

⁸Lümlong müing ko hütsünü nüh dhikehnung. Hütsü khyahring ko nüh disohnung.

⁹Hütsünü nü khyang ahechi kuthri hirojünung.”

¹⁰Nyieng, Itso, I yu nyikhang nüh kutsüp linung.

¹¹Ihnü lümlong ko yuje lang la linung nü te docho.

¹²Nühnü sihthsa tsehkhang tunüsü nü lang müyasahnung ko shangde mümüthikehnung.

¹³Nühnü tu nyichocho lede lümkehng; Nü amüdhe tsü akang, hütsü yümpung.

¹⁴Amütsarü tüithsa, arüh lang la tütseh.

¹⁵Hütsü tenü za ximülang ko nü lang la tsehng.

¹⁶Amütsa münguchide amütsarünü müyüpsehre. Khürü müdhsakehjüde nah mümachehre.

¹⁷Nguchi amütsa ko shühkhatohba tsü arüh nengdang tsuyongnung lile.

¹⁸Amüsarü lang tsü anyangnyü nyü chürode alaa atsingseu kangcho kyo lile.

¹⁹Amütsarü lang tsü aromang kyo amarürah. Arüh müthikeh ngahseh nye tula müthikehchonang müngure.

²⁰Itso, Ihnü yocho nyieng. I yu nangkhi jo nyieng.

²¹Nü tenü arüh tüzasoh. Hiri tsü lümkehnü nü lasih la yohpüng.

²²Sünü hütsü nyichehnang abi nengdang akang ko tsa liba lile.

²³Nühnü müzah lümdheng; tunüo nü akang tsü nühnü lümba tsünü külüpre.

²⁴Khodesü arahkheh tücho. Yu amütsa nü be lanü tüchüro.

²⁵Nü nahtse müchongkhüti lieng ko nü bekhu du dheng.

²⁶Tu nguchinang athsalangnü chung ko nü nguchi apüm yuje du kangnung.

²⁷Amünyi müri peh müchongkhüti tsehng. Yuje lanü mütrah khüdu mii tüsheh.