Read Sangtam Naga CHOYOH 9 Bible Online

CHOYOH 9 - Sangtam Naga bible

CHOYOH 9

¹Lümlongnü dongdi dhünyeh khyüm akuh thsako.

²Thsüti nengdang kanglungrü müpseh yongkha la axümlichi tungrüta yangtsunung müshoko.

³Yangdi akhang chah yapü züde dsinung akulilatpü wüsohcho.

⁴“Amüsithsarü, Rung.” Ko amüpisarü te yocho,

⁵“Rung, yangtsung ko atungrütacho yongkha yong.

⁶Amüsithsarü tenü za lieng. Amüdhe lang la tsehng.”

⁷Müthsamünyürü thsingyukhang, abürü du münyüjünung. Amütsarü yübükhang, nüpu du lerohpehjünung.

⁸Müthsamünyürü tüthsingyu; abinü nüh thrünyinung. Ta lümlong lirü thsingyukhang, abinü nü khyang jengreng jünung.

⁹Lümlong lirü te thülakhang alaa müdhe kangre. Amüsarü te dokhang abi amüdhe alaa zikehre.

¹⁰ABÜDONGBA drüba tsü lümlong adikeh ko Amüsaba müdheba tsü anyicheh.

¹¹Lümlongnü nü ku tsüpsohnung.

¹²Nüh lümpisakhang nüpü du jingchonung, ko hütsü nühnü müthsamünyükhang nüh du rotonung.

¹³Amüpisa tsü ajümjüm, amüsithsa, ashahmükeh khingkurü kyole.

¹⁴Abükyünü atrahtri la mahkhang yangdi amüjoh chah pümpü,

¹⁵müpahseh lahkhurü atümung te züde yore:

¹⁶“Rung, amüsithsarü!” Amüpisarü te yorü,

¹⁷“Afühcho kih tsü anyiyahba. Afühcho hümthse akyüba.”

¹⁸Ta abükyü kuh lang würü atümung süre ko sürü züduchonang arüh asülih la lilepü mümüdhe.