Read Sangtam Naga SOLOMON KHI 6 Bible Online

SOLOMON KHI 6 - Sangtam Naga bible

SOLOMON KHI 6

¹Khingkurüti yola atsah tsalatpü, nü müibong khüde tsicho? Khüiba lang la tsichonang ihrü te young ko ihrünü yangchijünung.

²I müibong balsam singdong yaba atbü lang wüko. Abi tbü la tsü santi nyahle ko lurü yungpi khungbülungle.

³Imüibong tsü I yo, ko Ih abi yo; lurü yungpi yola abi santi nyahre.

⁴I müilatpü, nüh Jerusalem ko Tirza yangdi kyo atsah atsa, Nisan hipü rachiba rothsarü amülung roh-i adrünung.

⁵I chahnü nü nah ximülang; arühnü Ih rangpehko. Gilead azong lanü santi khyachi jürocho kyo, nü kuva kichire.

⁶Nü ha tsü ade mütsah chürocho santi kyo thrule. Khüdusü müshohjo; arüh apüm khütang müjangle.

⁷Müshüticho pohki nü müchüp tsü tehre.

⁸Yangthsaba tsü yangthsalarü rohre, ashümtpü, qure ko lazalarü mükhilong lisohng.

⁹Ta Ihnü khüdu du müire, ko abükyü tsü mümüdhrü kyo amüinung kehle. Abükyü tsü atpa chahnü amüleng, atpanü mürüpba tsurü. Khingkurü atümungnü abükyü chah dhengre ko sere; Yangthsalarüti ko ashümtpürütinü abükyü se khi thsare.

¹⁰Adhengnung nyüjing kyoba hi süo? Nyü mahkhang chonu kyo ririba kyo abi atsah atsa ko avisa.

¹¹Ih almond singdong yola angah la singnuti dhengnung, Shükusih chah ava anu ko tsanümsih sing pichehcho dhengnung Ih jürocho.

¹²Ih dhridhrire; nyübong kari nührünü khata nengdang shangcho kyo, nühnü amüi nengdang Ih mükhyahsohko.

¹³Shulam latpü, nyiiching, nyiiching. Nüh nyiichide ihrünü dhengnung. Adhengrü mükangtipü I nyiichicho nührü tu adhengnyünung kehcho?