Read Sangtam Naga SOLOMON KHI 7 Bible Online

SOLOMON KHI 7 - Sangtam Naga bible

SOLOMON KHI 7

¹Nüh khütoh-i anyemüyangnung lazarü! Jingthri la nü jing khütoh-i atsah atsa. Nü phüm tsü kyothrirü khehthsi kyole.

²Münyehba yongkha füh khüdu hütsüla lile. Litoh bhong khüdu lurü yungpinü mükangtipü lile.

³Nü mama tsü shümüshü za anyüh ko shuhu za anyüh kyole.

⁴Nü hong tsü thsüro-hanü külüpcho roshengvi kyole. Nü nahtse tsü yangdi arangcheh tbükhüm shündhün Heshbon yangdi la kihting kyole. Nü nabong tsü Damaskas nyah yaba Lebanon roshengvi kyo amüinung kehle.

⁵Nü thah tsü Karmel khang kyole. Nü akyahcho kuva tsü anana kyole; atsah atsa tsünü Yangthsaba mii rangnung kohle.

⁶Nüh khüta atsah atsa, ko adhengnyünung; Nü amüi khüta ajeng ko akünyangnung.

⁷Nüh sedong kyo atba, ko nü mama tsü sesih müphung kyole.

⁸Ihnü sedong chah küdunung ko asih laanung. Nü mama tsü I nengdang shükusih müphung ko nü sah tsü müthoh axümlichi kyole,

⁹ko nü be tsü yongkha atsauba kyole, Hütsüeko yongkha tsü müchongkhüti I müibong bela pohyohsohng.

¹⁰Ih I müibong yo, ko abinü Ih mürüpre.

¹¹Rung, I müibong, Ihjülü rangmü lang wonung, ko yangdong la tsü müdongnung.

¹²Ihsanü mütoh suronung ko shükusih tsü müzinang ko shükusih shü tsü müpichehnang dhengnung. Hütsüla Ihnü nü khyang I amüi jünung.

¹³Nühnü mandrak yungpi xümnung, ko singsih atsa apüm Ihjü trahtri te linung. I müibong Ihnü nü khyang ahi ko asi akünyang yohpüjüle.