Read Sangtam Naga Isa 15 Bible Online

Isa 15 - Sangtam Naga bible

Isa 15

¹Moab nengdang yusi tsü hi. Ar ko Kir yangditi tsü romang khüdunü changpehko, ko Moab lih tsü nayingseh lile.

²Dibonrünü amübükuh la tranung küdure. Moabrünü Nebo ko Medeba yangditi nengdang meshüre; arühnü alongri la arüh thah ko benbüh hehpehre.

³Müyurünü yanglong la müyahshü müpire; yangdi long la kuhmung chah müyurünü tra meshüre.

⁴Heshbonrü ko Elealerünü züdere ko arüh khongcho tsü Jahaz lanü mii yuchire. Rothsarütinü mii dhridhrire; arüh suzahpehko.

⁵I lasihnü Moab nengdang trare! Müyurü tsü Zoar ko Eglath Shelishiya lang rang tsiko. Khürü tranü, Luhith lang tsiko; khürü khütang longri Horonaim lang rang tsiko.

⁶Nimrim kihnatung kungko, hütsüla zanu mükuko, ko müyahmürah tusü nying müle.

⁷Müyurüti tsü Willow Ngah khu arüh kuthsi apüm hipü tsinung müküpre.

⁸Moab lurü apümlang atraba yuva yuchire. Hütsü Eglaim ko Beerelim yangditi lanü yuchire.

⁹Dibon yangdi la yongkhi tsü ashüh pohre, ko hütsüla lirü nengdang Tsingrangbanü alaa amütsauba yohpüle. Ho, Moab la nying lirü apüm shühkhatoh kyüsehnung.