Read Sangtam Naga Isa 23 Bible Online

Isa 23 - Sangtam Naga bible

Isa 23

¹Hiba hi Tyre nengdang yusi. Longrinü traang, nührü kihjü la anürüti! Nührü Tyre kihkuh müdongji thsangnyangko; kuh ko kihkuh yohpüji thsangnyang lile. Nü kihkuh cypres langnü thalide nühnü yusi tsü yuchinung.

²Traang, nührü Sidon la shithsabhülehrü.

³Nührünü Ijip la chisichehcho fürü ko aparü yuchoti te shithsabhülehtanung kihdi khu nührünü nyitsarü müthehre.

⁴Sidon yangdi, nüh ashah khyüko! Kihdi ko kihjü asohnü nüh mükhyücho pü yore, “Ih khodesü I tsurü mülidheng. Ihnü khodesü tsuzarü münümüsudheng.”

⁵Tyre changcho yuchide, Ijiprünü mii nyekanung ko nehnung.

⁶Longri traang, nührü Foeniciarü! Spain lang tsicheh tsinung müküpm.

⁷Hi papade thriba akünyang yangdi Tyresü mah-o? Kihdi kehlang yangthrinung müyurüti wüsohba yangdi tsü hi mah-o?

⁸Ahechi Tyre yangdi, limih la yangthsarü tsurüti shithsabhülehrü yangdi chah hiri apüm tikehsonungba chungba tsü süo?

⁹Akohba ABÜDONGBAnü hütsü chungcho. Hütsü abinü arüh nguchi la müthsehcho changkasohnung ko arüh adhichi nyitsarüti kyüchosohnung nengdang chungcho.

¹⁰Wüng ko luh thsaang, nührü Spain la lirüti. Adelü nührü nyingtinung süsü müle.

¹¹ABÜDONGBAnü kihdi michah akheh dhimüsuko ko yanglihti khamülapehjüko. Abinü Foeniciarü shithsabhüleh müdüm thsangnyangjünung yuzeng jüko.

¹²Sidon yangdi, nührü akünyang khuko, ko nührü müyurü sehtiko. Arühnü cypres lang tsinye, arüh mükhümchochehnung.

¹³(Rangmü kanglungrü no Tyre dhrümchisohba tsü Assyriarü mah, ta Babylonrü lile. Babylonrünü rangrangkuh ko Tyre tbüticho lohnyangjücho, ko yangdi tsü thsangnyangjücho.)

¹⁴Longrinü traang, nührü kihjü la anürüti! Nührü dümpiba yangdi tsü khülupehko.

¹⁵Kang nyühre, yangthsarü khüdu akang li doi, Tyre tsü nbüchopehnung becho chihko. Hütsüri kang khuko khanglang, Tyre tsü khi la mabomashirü nengdang yocho kyo linung:

¹⁶Nü tbenglah bieng, yangdi tsü mükang, nüh amüinung nbüchopehcho mabomashilarü. Adhrerü shangrü nüli ronung nührü khi thali khüdupi thsaang.

¹⁷Kang nyühre tsü pisade, ABÜDONGBAnü Tyre tsü arüh shithsabhüleh ahilang thalisohnung, ko abükyünü liküprü khyang mülihsohnung.

¹⁸Abükyünü shithsabhüleh shehba thsi tsü ABÜDONGBA khyang khakhuchüjünung. Abükyünü hütsü müzahkehnung, ta thsi tsü ABÜDONGBA mübürünü tsuyongba ko arüh thsütah jengki lihnung.