Read Sangtam Naga Isa 35 Bible Online

Isa 35 - Sangtam Naga bible

Isa 35

¹Akung lihnü künyangnung, ko akungaselih la yungpi pinung.

²Lihpi lihnü züde khi thsanung; hütsü Lebanon zong kyo atsah atsa ko Karmel ko Sharon ngah kyo asu lih thsanung. Atümungnü ABÜDONGBA ahechi ngunung, ko Abi dicho ko Abi zii ngunung.

³Kyahseh liba kheh ko re müzeh liba mükhoh khyang tase jüng.

⁴Suhzah lirü atümung te young, “Müsi mülahng ko tüdrü! Nüh khümchonung, ko nü rorüh khingchinung Tsingrangba role.”

⁵Anahtohrünü ngunung; ko anangtbengrünü yuchinung.

⁶Ajingjahrünü tsohchi nyiichinung, amongdongrünü züdenung. Lihpi lih khu kihdi pohnung;

⁷trüp liba lipilih tsü changtphü kangnung, ko akunglih tsü kihna kangnung. Shirungti liba müdüm tsü rangnu ko thoh chinung.

⁸Hütsüla tungte lang khüdu, “Amüsaba Lang” linung. Münyirü süsü hütsüba lang la mütsehnung; hütsüla tsehrü amüsithsarü sünüsü münümülanung.

⁹Hütsüla kihkhünying mülinung; adrünung kanglungrü tusü hütsüba lang la mülahkhunung. ABÜDONGBAnü khümchorü du hütsüba lang khu kuh lang wünung.

¹⁰Arüh Jerusalem künyang chihnung, akünyangnü züde khi thsanung. Awah ko alongri mülipü, achangka müli arüh künyang linung.