Read Sangtam Naga Isa 39 Bible Online

Isa 39 - Sangtam Naga bible

Isa 39

¹Hütsü bekhyah, Babylon Yangthsaba, Baladan tsurü, Merodak Baladan-nü Hezekia thsangnangcho yuchi, abinü jiyü yola vathrah khüdu abi yang mühehcho.

²Hezekianü yusi hirü tsü künyang khyüchocho ko arüh te abi kuthsi: hon ko taripi, axümlichi ko abi thsunohrü apüm ngusohcho. Abi kohro zahkehji ko abi yanglih la tusü arüh te müngusohcho mülicho.

³Hütsüde azikehrü Isayanü Hezekia yang wünü tsingdhengcho, “Hiri nyitsarü hi khüdenü rocho ko arühnü nü te tu yocho?” Hezekianü lalingcho, “Arüh limih ashu la Babylon lanü rocho.”

⁴“Arühnü Yangthsaba kuhla tu ngucho?” “Arühnü lüpcho nguko. Ihnü arüh te azahkeh kuhla müngusohcho tu müle.”

⁵Hütsüde Isayanü Yangthsaba te yocho,

⁶“Nü Yangthsaba kuhla liba lüpcho, jümürü chahnü chünye yingcheh khyübülungcho lüpcho, Babylon lang hitsinungepü Akohba ABÜDONGBAnü yore. Tusü nying müpehjünung.

⁷Nü chahnü trahchocho mii khürü notsinung ko xangmipü Yangthsaba kuhla dikehsohnung.”

⁸Hütsü Yangthsaba Hezekianü abi chichahlü yangtsa ko akhümcho linung nyichehcho, hütsünü abinü lalingcho, “ABÜDONGBA chahnü I khyang nühnü hiroba yusi tsü atsa lile.”