Read Sangtam Naga LEVIRÜ 11 Bible Online

LEVIRÜ 11 - Sangtam Naga bible

LEVIRÜ 11

¹ABÜDONGBAnü Mosa ko Aron nyüh khyang

²Israelrü nengdang yuzeng hiri jücho.

³Nührünü alih la liba müzi phohrüpba ko külücheh mütrehba kanglungrü masü tsunung kohle,

⁴ta ut, dhengtsü mahkhang yingshükuh yongmüza tsunung mükoh. Arüh tsü amümüsa roh-i khiching; tunüo arühnü külücheh mütsahre, ta arüh müzi müphorüp.

⁷Shüka tütsu. Arüh amümüsa roh-i khiching; tunüo arüh müzi phohrüp lile, ta arühnü külücheh mümütrehre.

⁸Hiri kanglungrü tütsu mahkhang arüh asü me mii tüthabü; arüh amümüsa lile.

⁹Nührünü atbheng ko alaküp kehba ngu masü tsunung kohle,

¹⁰ta kih la liba atbheng ko alaküp mükehba tusü tütsu.

¹¹Hitari kangzah tsü amümüsa roh-i khiching. Nührünü hütsüri tütsu mahkhang arüh asü me mii tüthahbü.

¹²Nührünü atbheng ko alaküp mükehpü kih la liba tusü tütsu.

¹³Nührünü uza hiri tütsu: müdi, phohphu, moilüm, anbüham, müsheng, hogon, khüyah, ostrich, kih-hüna, kih uza, kiwi uza, pelikan, kormorant, hoopo, mahkhang lühtphing.

²⁰Atsohba kanglungrü chah khu

²¹aqo kehba kangzah apüm amümüsa linung.

²²Nührünü matse khengqu, küreh mahkhang khengqu tsunung kohle.

²³Ta aqo kehba ko ashechiba apa apüm amümüsa linung.

²⁴Sünü kanglungrü hiri asü me thahpünang nyüzeh abi amümüsa linung: amüzi kehba kanglungrü apüm, arüh müzi tsü müphorüpkhang ko külücheh mümütrekhang ko müzi kehba ko ajing müyü kehba kanglungrü apüm, sünü hiri asü me hinang abinü ajengki thsübae, ta nyüzeh abi amümüsa linung.

²⁹Arangyongmüza, yongmüza, shing-yongmüza ko müshemüla hiri amümüsa linung.

³¹Sünü hütsüri chah mahkhang arüh asü me chah thahpünang nyüzeh amümüsa linung.

³²Ko arüh asü me tsü lango chah longkehkhang hütsü amümüsa linung. Ko sing, jengki, shuküp mahkhang müyahshü hiri tu chah thahpünang amümüsa linung. Hütsü kih la thsangnye nyüzeh amümüsa linung.

³³Ko asü me tsü alih füh la longyohkhang, hütsüla zehba apüm tsü amümüsa kangnung ko nührünü füh tsü mapnahpehng.

³⁴Tsuyongba khürü chah hütsütari füh lanü kih longkehkhang, hütsü amümüsa kangnung ko hütsüla ayongba zehcho kihsü hütsü roh-i amümüsa kangnung.

³⁵Asü me tu chah longkehnang hütsü amümüsa kangnung; chongkyaji mahkhang taphi tsü thsangnyang pehng,

³⁶ta kihna mahkhang kihkonglü asü menü thahpünye amüsa linung.

³⁷Jünangrü chah longkehcholü amüsa linung.

³⁸Ta majüh tsü kih la thsangpüde asü me longkehkhang, majüh tsü amümüsa linung.

³⁹Atsuba kanglungrünye sükhang, sünü hütsü me chah thahpünang abi nyüzeh amümüsa linung.

⁴⁰Ko shuh me tsü khürünü tsukhang, abinü ajengki thsüng, ta nyüzeh abi amümüsa linung; asü shuh me tsü sünü hinang, abinü abi jengki thsüng, ta nyüzeh abi amümüsa linung.

⁴¹Alih la kangzah chiitsibanye, ajing adrong mahkhang

⁴²ajing müyünü tsehbanye nührünü tütsu.

⁴³Nührünü hitari tsunü amümüsa tükang.

⁴⁴Ih nührü Tsingrang ABÜDONGBA lile, ko nührünü nührü jangjang müsa lieng, tunüo Ih Amüsa lile.

⁴⁵Ih nührü Tsingrang thsanung Ijip lih lanü nührü nüchehba ABÜDONGBA lile. Nührü müsa lieng, tunüo Ih Amüsa.

⁴⁶Hütsüta, kanglungrü ko uza, kih la liba ko alih michah liba lüpcho nengdang yuzeng hiri linung.

⁴⁷Nührünü kanglungrü papa hiri amüsa ko amümüsa, atsuba ko amütsuba müzahnü tsüpm.