Read Sangtam Naga LEVIRÜ 3 Bible Online

LEVIRÜ 3 - Sangtam Naga bible

LEVIRÜ 3

¹Khode nyüh khüdunü abi misü khüdu akehta amübü jünang, hütsü misüpung mahkhang misü lapha mükeh khüdu jüng.

²Abinü kanglungrü thah chah tsü akhehnü nyümkehnung ko ABÜDONGBA liba Shükuh la züduba trahtri la tsü hütsü müpsehng. Aron hung bebürütinü ashüh tsü bholu müyüdinglang tungkehjünung.

³Ko kanglungrü tsü hiro changnah ABÜDONGBA khyang mübünung; bohnying la asu apüm,

⁴akhüling ko hütsü chah asu ko amüsi atsauba.

⁵Bebürünü hiri apüm trüp mübüba yola bholu chah trüpnung. Hiba amübü axümlichi tsünü ABÜDONGBA künyangsohre.

⁶Lümkhata amübü nengdang san mahkhang miza khyükhang, hütsü apung mahkhang atrüh khyünung kohle, ta tu lapha mükeh thsanungbae.

⁷Nyüh khüdunü san khüdu amübü jükhang,

⁸abinü athahchah akhehnü nyümkehpü Shükuh betenü hütsü müpsehng. Bebürütinü ashüh tsü bholu müyüdinglang tungkehjünung

⁹ko kanglungrü tsü hiroh-i changnah jüng: amüyingdongrü asu apüm, bohnying müshücho asu apüm,

¹⁰akhüling ko amüshühcho asu ko amüsi atsauba.

¹¹Khehthsithsaba bebübanü hiri apüm ABÜDONGBA khyang tsang mübü trüp mübünung.

¹²Nyüh khüdunü miza khüdu amübü jükhang,

¹³abinü athah chah akhehnü nyümkehpü Shükuh betenü hütsü müpsehnung. Bebürünü ashüh tsü bholu müyüdinglang tungkehjünung

¹⁴ko kanglungrü tsü hiroh-i changnah ABÜDONGBA khyang jünung: abohnying la asu apüm,

¹⁵akhüling ko hütsü amüshüh asu ko amüsi la atsauba.

¹⁶Bebübanü hiri apüm bholu chah ABÜDONGBA künyangsohnung tsang mübüthsa trüpnung. Asu apüm ABÜDONGBA nohlüm lile.

¹⁷Israelrü sünüsü asu mahkhang ashüh tsunung mükoh; hi Israelrü atümungnü arüh khüdederü linye lede bichinungba yuzeng lile.