Read Sangtam Naga JEREMIA 45 Bible Online

JEREMIA 45 - Sangtam Naga bible

JEREMIA 45

¹Juda la Josia tsurü Jehoiakim Yangthsaba thsacho kang müyüu la, Baruk te Ihnü yo thrahsohcho.

²Hütsüpü Ihnü abi te ABÜDONGBA, Israel Tsingrangnü hiroh-i yorepü yocho,

³“Baruk, nühnü ‘Ihnü pehjüre! ko ABÜDONGBAnü I thsangthsi alaa kangsohko. Longrichonü Ih kyahko, ko Ih mükyahshangchehrepü yore!’

⁴“Ta Ih, ABÜDONGBAnü Ihnü thsacho tphünahre ko Ihnü khyümcho rohchehre. Ihnü hi limih apüm te nguchinung.

⁵Nühnü nüh du alaa tsa bichisohnyürü do? Hütsüta tünguchi. Ihnü amüi tsurü apüm chah achangba hirore, ta nühlü khüde khüdesü wü nye nü akanglü tsichehnung, Ih, ABÜDONGBAnü choko.”