Read Sangtam Naga JEREMIA 47 Bible Online

JEREMIA 47 - Sangtam Naga bible

JEREMIA 47

¹Ijip Yangthsabanü Gaza mümah-ede, ABÜDONGBAnü Filistia nengdang I te chotacho.

²Abinü yocho: “Dheng! kihku langnü kih dii role ko kihmülüm yongkhi kyo poh jüronung. Arühnü alimih ko hütsüla liba apüm, yangditi ko nyitsarü apüm tingtinung. Nyitsarünü arüku ching züdenung; limih la lirü apümnü dee tranung.

³Arühnü kuri müphanü tsohcho, kuri kari tsehcho, ko ajing khülucho yuchinung. Autinü atsurüti nengdang müximülanung; arüh kheh yeichi linung.

⁴Filistia changnung becho chihko, Tyre ko Sidon chahnü nguba arüku apüm yatipehnung. Ihnü Filistinrü changjünung, Krete kihbekhüm lanü rorüh apüm.

⁵Gazarü yang alongri amülah roko, ko Ashkelonrü sahmüthsa lile. Amütrüh Filistinrü, khüdoi nyahli me tranung?

⁶Züdeing, ‘ABÜDONGBA Nohsheng! Khüdoi nyahli shühtpheh linung? Nohtrüp la yohng, hütsüla kyahshang lieng!’

⁷Ta hütsü khüta kyahshangnung, Ihnü abi khyang nguchi jüpü likhang? Ihnü Ashkelon ko kihjüp lirü mahnung yuzeng jüko.”