Read Sangtam Naga EZEKIEL 2 Bible Online

EZEKIEL 2 - Sangtam Naga bible

EZEKIEL 2

¹Ihnü hütsü ngude, Ih alih la hapkehcho. Hütsüde yuva khüdunü I te yo yuchicho, “Nyitsarü tsurü, yamüsung. Ihnü nü te chotanyüre.”

²Yuva tsünü chota yade, I chah Tsingrangba anbü zürocho, ko Ih yasohcho, ko yuva tsünü mütozah chotacho Ihnü yuchicho;

³Nyitsarü tsurü, Ihnü nüh Israelrü yang müthehre. Arühnü arüh jümürü kyo, Ih nyümko ko adesü Ih nyüm yare.

⁴Arüh ahongzi ko I jengreng müdrüre, hütsünü Ih, Amichahba ABÜDONGBAnü tu yoro hütsü arüh te yosohnung Ihnü nüh müthehre.

⁵Hütsüri anyümrü tsünü nü te nyi nye münyi nye, arüh yola azikehrü khüdu lichoepü arühnü müdhenung.

⁶“Nyitsarü tsurü, ta nühnü arüh ko arühnü yocho tu tüdrü. Arühnü nüh nyümnung ko mükhimüngunung; ko nüh khakikoh yola lirü kyo linung. Ta hütsüri anyümrü mahkhang arühnü yocho tu tüdrü.

⁷Arühnü nyi nye münyi nye, Ihnü nü te tu yoro hütsü arüh te young. Arüh khütoh-i mütsarünang lümchehng.

⁸“Nyitsarü tsurü, I yu nyieng. Arüh kyo anyümrü tüthsa. Nü be kaang ko Ihnü nü khyang tu jüro hütsü tsung.”

⁹Kheh khüdu thrahlohcho khüdu bipü I yanglang rocho Ihnü ngucho.

¹⁰Kheh tsünü thrahloh tsü lehchehcho ko hütsü anyüdinglang alongri, atraba ko arühchiba nengdang thrah zehcho Ihnü ngucho.